OMAYELETUMBULO 22:5 - Ombibeli Iyapuki

⁵ Omakiya neemwiyo di li mondjila yomunaipupulu, ou ta kala kokule nayo, ota amene omwenyo waye.

OMAYELETUMBULO 22:5 ပူးပေါင်းရင်းမြစ်များ

JOB 18:8

Osheshi eemhadi daye mwene tadi mu twala meendjadja ndele ta ende kombada yekelo.

OMAPSALOME 11:6

Ovahenakalunga ote ke va lokifila omakala omundilo nosulfuri; nomhepo ya hanya otai ka ninga oshitukulwa sheholo lavo.

OMAPSALOME 91:1

Ou e li omutumba meameno laau wOkombadambada, ndele ta kala momudidimbe wOmunaenghono adishe,

OMAYELETUMBULO 13:15

Eendunge diwa tadi eta ohokwe, ndelenee ondjila yovaliteeki oyo ikukutu.

OMAYELETUMBULO 13:3

Ou ta lungamene okanya kaye, ota amene okukalamwenyo kwaye. Ou ta makula unene omilungu daye, ota i mehanauno.

OMAYELETUMBULO 15:19

Ondjila yomundede oyo ya fa omangade omano, ndelenee elila lovayuki la kokolwa.

OMAYELETUMBULO 16:17

Ondjila yovayuki tai kukuma owii, naau ta pashukile okweenda kwaye, ota amene omwenyo waye.

OMAYELETUMBULO 19:16

Ou ta diinine oshipango, ota amene okukalamwenyo kwaye. Ou ita pashukile eendjila daye, ota ka fya.

OMAYELETUMBULO 22:4

Ondjabi yelininipiko noyokutila Omwene oyo oupuna nefimano nomwenyo.

OMAYELETUMBULO 29:6

Metauluko mwii omu nomwiyo, ndelenee omuyuki ota ka kuwilila nokuhafa.

OMAYELETUMBULO 4:19

ondjila yovahenakalunga oyo ngaashi omulaulu; vo inava shiiva apa tava ka pundukila.

JOSUA 23:13

kaleni mu shi shii, nokutya Omwene Kalunga keni ita taataa vali oiwana oyo komesho yeni, ndelenee yo tai ningi kunye eendjadja nomwiyo nongona yomalutu eni neeshosholo momesho eni fiyo nye otamu ka kombwa po moshilongo eshi shiwa, Omwene Kalunga keni e shi mu pa.

1 JOHANNES 5:18

Ofye otu shi shii, keshe ou a dalwa kuKalunga, oye iha nyono, ndele ou a dalwa kuKalunga, oye te lidiinine ye mwene, nomunawii ite mu kumu.