OMAYELETUMBULO 22:18 - Ombibeli Iyapuki

¹⁸ Osheshi sha wapala ngeenge to di tuvikile momwenyo woye. Do adishe nadi kale da longekidilwa omilungu doye.

OMAYELETUMBULO 22:18 ပူးပေါင်းရင်းမြစ်များ

JEREMIA 15:16

Eendjovo doye oda hanga nge, ame onde di lya nde di pona. Ndele eendjovo doye oda li kwaame enyaku nehafo lomutima wange, osheshi ame onda lukilwa edina loye, Omwene, Kalunga komatanga ovakwaita.

OMAYELETUMBULO 2:10

Osheshi ounongo tau ke uya momutima woye, neshiivo tali ka kala ounyenye komwenyo woye.

OMAYELETUMBULO 15:7

Omilungu dovanongo tadi kunu eshiivo, ndelenee omutima womushima inau yuka.

OMAYELETUMBULO 10:21

Omilungu dovayuki tadi yukifa ovanhu vahapu. Ndelenee omalai taa fi, shaashi ehe neendunge.

OMAYELETUMBULO 8:6

Udeni, osheshi ame ohandi ka popya oinima iwaelela, ndele handi makulile omilungu dange kwaashi sha yuka.

OMAPSALOME 119:103

Omaudaneko oye omanyenye moshihokohoko shokanya kange shi fike peni, omanyenye e dule omaadi eenyiki.

OVAHEBERI 13:15

Hano omolwaye natu eteleni Kalunga alushe omahambeleloyambo nokutya, oshiimati shomilungu edi tadi pandula edina laye.

JOHANNES 7:38

‘Oye ou ta itavele nge, ngaashi omishangwa tadi ti, meni laye otamu ka tondoka omilonga domeva e nomwenyo.’ ”

OMAYELETUMBULO 25:11

Eendjovo da popiwa mefimbo lado odo da fa omaapula oingoldo moshiyaxa shoshingoldo.

OMAYELETUMBULO 16:21

Ou e nomutima u nounongo, ota ifanwa omunaendunge, nounyenye womilungu tau hapupalifa elongo.

OMAYELETUMBULO 10:13

Ounongo tau monika komilungu dovanaendunge, ndelenee ou ehe neendunge ta ka dengwa noshitetati kombuda.

OMAYELETUMBULO 3:17

Eendjila dado odo eendjila da wapala, nomalila ado aeshe ombili.

OMAPSALOME 119:171

Momilungu dange namu xunguke omahambelelo, Ove ngeenge to longo nge eenghedimhango doye.

OMAPSALOME 119:162

Ohandi hafele eudaneko loye, ngaashi umwe, ou a xuula eexuulwa dihapu.

OMAPSALOME 119:111

Omalongo oye oo efyuululo lange fiyo alushe, osheshi oo oshihafifo shomutima wange.

OMAPSALOME 119:13

Omilungu dange ohandi di valifa eemhangela adishe dokanya koye.

OMAPSALOME 19:10

Odo di noupuna u dule woshingoldo, heeno, u dule woshingoldo shihapu sha hoololekeka; nodi nounyenye u dule womaadi eenyiki ounyenyelela womashila ado.

MALAKIA 2:7

Osheshi omilungu domupristeli di nokutuvikila okushiiva nomokanya kaye tamu ka kongwa elongo, osheshi ye omutumwa wOmwene womatanga ovakwaita.

OMAYELETUMBULO 22:19

Opo u kale nokulineekela Omwene, onghee handi ku longo nena eli, heeno, ove ho longwa.

OMAYELETUMBULO 4:20

Omumwange, pwilikina edi handi ku lombwele, endekela okutwi kwoye keendjovo dange.

OMAYELETUMBULO 4:21

Ino di kandula po koshipala shoye, di diinina meni lomutima woye.