OMAYELETUMBULO 20:3 - Ombibeli Iyapuki

³ Efimano lomunhu olo okukukuma eemhata, ndelenee elai keshe tali pendula eemhata.

OMAYELETUMBULO 20:3 ပူးပေါင်းရင်းမြစ်များ

GENESIS 13:7

Ndele opa holoka eemhata pokati kovafita vaAbram novafita vaLot. Pefimbo linya Ovakaanan nOvaperesi ova li yo moshilongo omo.

GENESIS 13:8

Opo nee Abram okwa lombwela Lot ta ti: “Inapa kala nande eemhata pokati ketu naave, nopokati kovafita vange nokovafita voye, osheshi fye vamwe aveke.

2 EEHAMBA 14:9

Ndelenee Joas, ohamba yaIsrael, ya shiivifila Amasia, ohamba yaJuda, tai ti: “Oshiyoosheuta shomuLibanon sha lombwela omusederi womuLibanon: ‘Omona woye okakadona, mu pa omumwange omumati, winya a ninge omwalikadi waye!’ Ndelenee oifitukuti i li muLibanon oya lyataula oshiyoosheuta mokweenda po kwayo.

OMAYELETUMBULO 14:17

Omuhandunhu ta longo oulai. Omunambudi ota ka tondwa.

OMAYELETUMBULO 14:29

Omutalanheni ye e neendunge dihapu, ndelenee omuhandunhu te likongele oulai.

OMAYELETUMBULO 16:32

Omutalanheni e dule omuladi. Ndele ou te lipangele, e dule ou a teya oshilando.

OMAYELETUMBULO 17:14

Ehovelo leshilafano olo ngaashi omeva taa panuka, onghee hano, efa eemhata fimbo oo inaa panuka.

OMAYELETUMBULO 18:6

Omilungu delai tadi eta eemhata, nokanya kalo taka ifana omadengo.

OMAYELETUMBULO 19:11

Eendunge domunhu tadi mu pe outalanheni, nefimano laye olo okudima po etauluko.

OMAYELETUMBULO 21:24

Omulinenepeki nomulunduki ota ifanwa omusheki, shaashi ha kala e nokudina kaku shii kuyelekwa.

OMAYELETUMBULO 26:17

Ou ta kwata ombwa tai ende po komatwi, e li ngaashi ou ta handuka molweemhata dovanhu.

OVAEFESO 4:32

Ndelenee kalafaneni mu noukaume nokufilafana onghenda nokudiminafana po omatimba, ngaashi Kalunga e mu dimina po muKristus.

JAKOB 3:14

Ndelenee momutima weni ngeenge omu nefupa lilula neenhamanana, inamu litanga, ndele inamu fufya nokukondjifa oshili.

JAKOB 4:1

Omalwoodi nomashilafano mokati keni otaa di peni? Hamouhalu weni ou hau kondjo moinhimbu yeni?