OMAYELETUMBULO 2:6 - Ombibeli Iyapuki

⁶ Osheshi Omwene ta yandje ounongo, mokanya kaye tamu di eshiivo neendunge,

OMAYELETUMBULO 2:6 ပူးပေါင်းရင်းမြစ်များ

1 EEHAMBA 10:24

Nounyuni aushe wa li wa hala okumona oshipala shaSalomo va pwilikine ounongo waye, Kalunga e mu pa momutima waye.

1 EEHAMBA 3:12

onghee Ame ohandi ningi paendjovo doye: Tala, Ame ohandi ku pe omutima u nomayele, neendunge di dule daaveshe ovo ve ku tetekela naava yo tave ku shikula. Kape na ou te ku fe nande.

1 EEHAMBA 3:9

Pa hano omupiya woye omutima u neduliko ndi shiive okupangela pauyuki ovanhu voye, nokutongola ouwa nowii, osheshi olyelye ta dulu okupangela oshiwana eshi shinene shoye shi fike apa?”

1 EEHAMBA 4:29

Ndele Kalunga okwa pa Salomo nounongo neendunge dihapu nomayele mahapu e fike peheke lopefuta,

1 OMAFIMBO 22:12

Omwene ne ku pe omayele neendunge, ne ku ninge omupangeli wOvaisraeli u diinine omhango yOmwene Kalunga koye.

ESRA 7:25

“Ndele ove Esra, paunongo waKalunga ou u li meke loye, tula ovapashukili novatokoli okutokola ovanhu aveshe vokombinga yokouninginino waEufrat, aveshe ovo va shiiva omhango yaKalunga koye. Ndele ovo vehe i shii, ve noku i longwa.

NEHEMIA 7:5

Opo nee Kalunga a tula momutima wange ediladilo nokutya, ndi ifane ovanamadina novakomesho novanhu va ongale, va shangelwa meshikulafano lomapata. Naame nda mona eshikulafano lovanhu ava ve uya tete, ndele nda mona, nokutya mulo mwa shangwa:

JOB 12:13

PuKalunga ope nounongo neenghonopangelo. Ye e nepukululo neendunge.

JOB 12:16

Puye ope neenghono nomayele. Omupukifwa nomupukifi vo ovaye.

JOB 22:22

Tambula elongo lokanya kaye neendjovo daye di tuvikila momutima woye.

JOB 32:8

Ndelenee omhepo yomomunhu nomufudo wOmunaenghono adishe tau va pe eendunge.

OMAPSALOME 119:104

Momalombwelo oye otamu di eendunge dange, onghee handi tondo keshe tuu omufango woipupulu.

OMAPSALOME 119:34

Nongopalife nge, ndi shiive okuwanifa omhango yoye, ame ndi i lalakanene nomutima aushe.

OMAPSALOME 119:98

Oipango yoye otai nongopaleke nge, ndi dule ovatondi vange ounongo, osheshi oyo oyange fiyo alushe.

OMAPSALOME 19:7

Omhango yOmwene oya wanenena, yo ohai hekeleke omwenyo; ehepaululo lOmwene oli shii okulineekelwa shili, olo hali nongopaleke omalai.

OMAPSALOME 19:8

Omalombwelo Omwene okwa yuka, taa hafifa omutima; omhango yOmwene oi yela sheke, tai minikile omesho.

OMAPSALOME 51:6

Ove wa hala oshili i kale meni momutima, nomoule womwenyo ho shiivifa nge ounongo.

OMAPSALOME 94:10

Ou omutekuli woilongo, Ye iha denge hamba? Oye tuu, ta longo ovanhu omayele.

EXODUS 31:3

Ndele Ame nde mu yadifa Omhepo yaKalunga, nounongo neendunge nomayele nokushiiva oilonga i lili,

OMAYELETUMBULO 6:23

Osheshi oshipango osho olamba, nelongo olo ouyelele nehanyeno lomoutekuduliko olo ondjila yomwenyo,

OMUUDIFI 2:26

Osheshi omunhu ou a wapala koshipala shaye, Ye ote mu pe ounongo, omayele nehafo, ndelenee omulunde ta pewa kuye oshilonga shokulikongela nokuhapupalifa, opo shi pewe ou a wapala koshipala shaKalunga. Nasho yo oshongahoelela nokushikula ashike omhepo.

JESAJA 54:13

Ndele ovana voye aveshe tava ka kala va longwa kOmwene, nombili yovamwoye otai ka kala inene.

JESAJA 8:20

Dameni komhango nokondobwedi! Ngeenge itava tongo ngaho, eluwa itali va tendele vali.

DANIEL 1:17

Ndele ovanyasha ovamati ava vane, Kalunga okwe va pa omayele okukoneka omishangwa adishe nounongo keshe. Daniel okwa li e neendunge dokushiiva omamoniko neendjodi.

DANIEL 2:21

Oye ta lundulula omafimbo neetundi, ndele Ye ota xutula eehamba noha nangeke eehamba, ndele Oye ha yandje ounongo kovanongo nomayele kovanamayele.

DANIEL 2:23

Oove Kalunga kootatekulu, ame ohandi ku hambelele nohandi ku fimaneke, osheshi Ove wa pa nge omayele neenghono ndele paife wa shiivifila nge eshi twe shi ku indila, osheshi oshinima shohamba owe shi tu hololela.”

LUKAS 21:15

Osheshi Ame ohandi mu pe okanya nomaunongo taa nyenge ovakondjifi veni aveshe oku mu nyamukula ile oku mu twifa eemhata.

JOHANNES 6:45

Movaxunganeki mwa shangwa: ‘Ndele aveshe tava ningi va longwa kuKalunga.’ Keshe tuu ou e liudila kuTate ndele a longwa kuye, oye te uya kwaame.

JAKOB 1:17

Keshe oshipewa shiwa, nokeshe oshali sha wanenena, ohashi di kombada, okuXe yomauyelele, kwaau puhe nomalundululo ile omapilauko ouyelele nomulaulu.

JAKOB 1:5

Ndele ngeenge umwe womunye okwa hepa ounongo, ne u indile kuKalunga ou e hole okuyandjela aveshe nokuhe nokungongota, opo nee ote u pewa.