OMAYELETUMBULO 2:20 - Ombibeli Iyapuki

²⁰ Opo u ende nondjila yaava vawa ndele to dulu okudiinina omalila ovayuki.

OMAYELETUMBULO 2:20 ပူးပေါင်းရင်းမြစ်များ

OMAPSALOME 119:115

Ovaningi vowii nye, djeni po pwaame. Ame onda hala okudiinina oipango yaKalunga kange.

OMAPSALOME 119:63

Aame omukwao waava, tave ku tila, nowaava, tava shikula omalombwelo oye.

OMAYELETUMBULO 13:20

Kala nokweenda novanongo, opo nee naave yo u ninge omunongo. Ndelenee ou ha endafana novashima, ota ka laipala.

OMAYELETUMBULO 4:11

Ame ohandi ku longo ondjila younongo, ame ohandi ku twala meendjila da yukilila.

OMAYELETUMBULO 4:18

Fimbo elila lovayuki li li ngaashi eluwa tali tende, lo tali eta ouyelele tau hapupala fiyo omutenya tau tu,

OMAYELETUMBULO 8:20

Ame ohandi ende nondjila youyuki, pokati komalila oshili,

JEREMIA 6:16

Omwene osho okwa popya: Indeni ko keendjila, nye mu tale, mu pule omalila enya oshito, a endwa nale, oo okwa li ondjila yelao, nye mu ende nayo, ndele nye otamu ka monena eemwenyo deni etulumuko. Ndelenee vo ova nyamukula: Inatu hala okweenda nado.

OVAHEBERI 6:12

muha fye ounye, ndelenee mu ninge ovashikuli vaavenya va ninga keitavelo nokelididimiko ovafyuululi vaasho sha udanekwa.

3 JOHANNES 1:11

Omuholike, ino shikula owii, ndelenee shikula ouwa. Ou ta longo ouwa, oye womuKalunga. Ndele ou ta longo owii, oye ina mona Kalunga.