OMAYELETUMBULO 16:1 - Ombibeli Iyapuki

¹ Eemhangela domutima odomunhu, ndelenee enyamukulo lelaka tali di kOmwene.

OMAYELETUMBULO 16:1 ပူးပေါင်းရင်းမြစ်များ

2 SAMUEL 7:5

Inda u ka lombwele omupiya wange David, u tye: ‘Haave to ka tungila nge ongulu, ndi kale mo.

2 OMAFIMBO 18:31

Novakulunhu vomatemba oita eshi va mona Josafat, ova diladila: “Oye ohamba yaIsrael,” ndele va hovela oku mu lwifa. Opo nee Josafat okwa kuwa. Omwene okwe mu kwafa, naKalunga okwe va heka po, va dje po puye.

ESRA 7:27

Ndele Esra a tya: “Omwene Kalunga kootate na hambelelwe, ou e shi tula momutima wohamba nokutya, yo i nokuwapaleka ongulu yOmwene muJerusalem,

NEHEMIA 1:11

Akutu Omwene, okutwi kwoye naku ude hano eindilo lovapiya voye ovo va hala okutila edina loye! Ndele nena eli pa omupiya woye elao, u mu pe onghenda komesho yomulumenhu ou.” Osheshi ame nda li omupindili wohamba.

JOB 17:11

“Omafiku ange a xula po, eemhangela dange omahalo omutima wange a ninga ongaho.

OMAPSALOME 10:17

Omwene, Ove ho udu odjuulufi yovalininipiki; Oove ho pameke omitima davo; nokutwi kwoye to ku ehenifa kuvo,

OMAPSALOME 119:36

Omutima wange u ehenifa komahepaululo oye, oo uha ehene kolwisho lemona loulunde.

EXODUS 4:15

Ove u nokupopya nokutula mokanya kaye eendjovo. Ndele Ame ohandi ka kala nokanya koye nonokanya kaye, nde handi mu longo eshi mu nokuninga.

OMAYELETUMBULO 15:33

Okutila Omwene okwo outekuduliko tau eta ounongo; nelininipiko tali tetekele efimano.

OMAYELETUMBULO 16:9

Omutima womunhu tau diladila ondjila yaye, ndelenee Omwene ta endifa eenghatu daye.

OMAYELETUMBULO 19:21

Eemhangela dihapu di li momutima womulumenhu, ndelenee epukululo lOmwene tali ka kala po.

OMAYELETUMBULO 20:24

Eenghatu domulumenhu tadi endifwa kOmwene; omunhu ta dulu ngahelipi okuuda eendjila daye?

OMAYELETUMBULO 21:1

Omutima wohamba u li meke lOmwene ngaashi omakungulukilo omeva. Ye ote u endifa keshe apa a hala.

JEREMIA 10:23

Akutu, Omwene, ondi shi shii nokutya, ondjila yomunhu ihai kala mepangelo laye mwene, ile mepangelo lomulumenhu, nhumbi ta ende, nhumbi ta yukifa eenghatu daye.

2 OVAKORINTO 8:16

Ndele Kalunga na pandulwe, Oye ou a pendula momutima waTitus ouladi omolweni,

OVAFILIPPI 2:13

osheshi Kalunga Oye tuu ha longo munye okuhala nokulonga pahokwe yaye.