OMAYELETUMBULO 15:9 - Ombibeli Iyapuki

⁹ Okweenda kwomuhenakalunga okwo oixuna koshipala shOmwene, ndelenee ou ta lalakanene ouyuki, Ye e mu hole.

OMAYELETUMBULO 15:9 ပူးပေါင်းရင်းမြစ်များ

OMAPSALOME 1:6

Osheshi ondjila yovayuki Omwene oku i shii; ndelenee ondjila yovahenakalunga otai hanauka.

OMAPSALOME 11:7

Osheshi Omwene Oye omuyuki noku hole ouyuki; ovayuki notava ka tala oshipala shaye.

OMAPSALOME 139:24

opo u mone, ngeenge ondi li mondjila yepukifo, Ove u endife nge mondjila, ei tai twala moukwaalushe.

OMAPSALOME 5:5

Ovalitumbaleki itava ka dula komesho yoye; ovanyoni aveshe oho va tondo.

OMAYELETUMBULO 15:10

Ou ta yapuka mo mondjila ota hangika kehandukilo lidjuu. Ou ta tondo ehanyeno ta ka fya.

OMAYELETUMBULO 21:21

Ou ta lalakanene ouyuki nolune, ota ka mona omwenyo, ouyuki nefimano.

OMAYELETUMBULO 21:4

Elinenepeko lomesho nounhwa womutima osho evilimo lovahenakalunga novalunde.

OMAYELETUMBULO 21:8

Ondjila yomunhu e nombedi oya penga. Ndelenee oilonga yomukoshoki oya yuka.

OMAYELETUMBULO 4:19

ondjila yovahenakalunga oyo ngaashi omulaulu; vo inava shiiva apa tava ka pundukila.

OMAYELETUMBULO 8:13

Etilo lokutila Omwene olo okutonda osho shii. Ame ohandi tondo elinenepeko nelitumbo, okweenda kwii nokanya koipupulu.

JESAJA 26:7

Elila lomuyuki ola yuka, elila lomuyuki, Ove to li yelakanifa.

JESAJA 51:1

Pwilikineni kwaame, onye ava hamu lalakanene ouyuki, onye ava hamu kongo Omwene. Taleni emanya omo mwa pandwa mo, noshilambo shomufima omo mwa xupwa.

JESAJA 51:7

Pwilikineni kwaame, onye ava mwa shiiva ouyuki, oshiwana shi na omhango yange momutima washo: inamu kala mwa tila odino yovanhu, nye inamu haluka kesheko lavo.

JEREMIA 44:4

Ndele Ame onde mu tumina ovapiya vange ovaxunganeki efimbo keshe ndele nda tya: Inamu longa oixuna oyo, handi i tondo.

HOSEA 6:3

Ndele natu shiiveni hano, heeno, natu lalakaneni okushiiva Omwene. Ye ote uya shili, ngaashi etendo leluwa, ndele ote ke uya kufye ngaashi odula, ngaashi odula yokulombo, ei tai tutike edu.”

HABAKUK 1:13

Omesho oye okuyela, itaa shiiva okutala owii, ndele ito shiiva okutala oulunde. Oshike hano ho tale ovaliteeki, Ove ho mwena, ngeenge omudinikalunga ta pona po omuyuki?

MATEUS 7:13

“Indeni mu pite moshivelo sha finana. Osheshi oshivelo oshinene, nondjila oya mbwalangadja ei tai twala mekano, ndele ava tava i mo ovahapu;

DEUTERONOMION 7:13

ndele Ye ote ke ku hola noku ku nangeka noupuna noku ku hapupalifa; Ye ota ka nangeka noupuna oludalo lomolutu loye, noiimati yomepya loye, noilya yoye nomaviinyu oye nomaadi oye olumono loye, oludalo leengobe doye noludalo leedi doye medu tuu olo Ye e li udanekela nokwaana oku li pa ooxo.

1 TIMOTEUS 6:11

Ndelenee oove, omunhu waKalunga, inda onhapo oinima ya tya ngaha, lalakanena ouyuki netilokalunga neitavelo nohole nelididimiko noutalanheni.

2 TIMOTEUS 2:22

Ndelenee inda onhapo yokahalu kounyasha, ndele shikula ouyuki neitavelo, nohole nombili pamwe naava tava ifana Omwene nomutima wa yela.