OMAYELETUMBULO 15:21 - Ombibeli Iyapuki

²¹ Oulai oo enyakuko lovahenandunge, ndelenee omulumenhu omunaendunge ota ende a yuka.

OMAYELETUMBULO 15:21 ပူးပေါင်းရင်းမြစ်များ

JOB 28:28

Ndelenee okwa lombwela omunhu ndele ta ti: ‘Tala, okutila Kalunga okwo ounongo. Nokukukuma owii okwo eendunge.’ ”

OMAPSALOME 111:10

Okutila Omwene oko efina lounongondunge, aveshe ava tava kala mulo, otava nongopalelele; efimano laye ohali kala fiyo alushe.

OMAYELETUMBULO 10:23

Okulonga oshilonga shii taku hafifa elai, ndelenee ounongo tau hafifa omulumenhu e neendunge.

OMAYELETUMBULO 11:12

Ou ehe neendunge, ota dini omukwao, ndelenee omulumenhu e neendunge ta mwena.

OMAYELETUMBULO 14:16

Omunongo ha tila ndele ta yepa omunawii, ndelenee omushima ta duduluka e yadi elineekelo lokulineekela ye mwene.

OMAYELETUMBULO 14:8

Ounongo womunaendunge oo okushiiva ondjila yaye, ndelenee oulai wovashima oo ekengelelo.

OMAYELETUMBULO 14:9

Etimbayambo tali shekifa omalai, ndelenee mokati kovayuki omu nokuhokwafana.

OMAYELETUMBULO 15:22

Apa pehe nomapukululo, eemhangela tadi nyonauka, ndelenee apa pe novapukululi vahapu, do tadi wanifwa.

OMAYELETUMBULO 4:25

Omesho oye naa tale a yukilila, neemhafu doye nadi yukilile.

OMAYELETUMBULO 4:26

Elila lomhadi yoye li yelakanifa neendjila doye adishe nadi kale da pama.

OVAEFESO 5:15

Litaleni hano nawa nhumbi hamu ende, hangaashi omalai, ndelenee ongaashi ovanaendunge;

JAKOB 3:13

Olyelye omunongo nomunandunge mokati keni? Oye na holole oilonga yaye monghalelo yaye iwa mengungumano lounongo.