OMAYELETUMBULO 15:2 - Ombibeli Iyapuki

² Elaka lovanongo tali hepaulula eshiivo loshili, ndelenee okanya kovashima taka fuluka oulai.

OMAYELETUMBULO 15:2 ပူးပေါင်းရင်းမြစ်များ

OMAPSALOME 45:1

Omutima wange ou yadi ndoondoo, tau xunga eendjovo diwa. Eimbilo lange ohandi li yapulile ohamba. Elaka lange ola fopena yehamushanga ha endelele.

OMAPSALOME 59:7

Tala, otava fuluka onhutu mokanya, omikonda odi li momilungu davo, osheshi otava ti: “Olyelye mbela te shi udu?”

OMAYELETUMBULO 12:23

Omunhu omunamayele ta mwenenene eshiivo laye, ndelenee omutima womalai tau ingida pombada oulai wao.

OMAYELETUMBULO 13:16

Omunamayele keshe ta longo neendunge, ndelenee elai tali tandavelifa oulai.

OMAYELETUMBULO 15:23

Omulumenhu ta hafele enyamukulo lomokanya kaye; ondjovo oiwa ngahelipi pefimbo layo!

OMAYELETUMBULO 15:28

Omutima womuyuki otau diladila osho tau shi nyamukula, ndelenee okanya kovahenakalunga taka fulukifa oinima ii.

OMAYELETUMBULO 15:7

Omilungu dovanongo tadi kunu eshiivo, ndelenee omutima womushima inau yuka.

OMAYELETUMBULO 16:23

Omutima womunongo tau mu nongopeke mokanya kaye ndele tau hapupalifa elongo lomilungu daye.

OMAYELETUMBULO 5:2

opo u mone omayele a wana nomilungu doye opo di diinine eshiivo.

OMUUDIFI 10:14

Elai tali popi eendjovo dihapu, ndelenee omunhu iha shiiva oshike tashi ke uya. Olyelye te mu hololele osho tashi holoka konima yaye.

OMUUDIFI 5:3

Osheshi ngaashi ondjodi tai uya molwoisho ihapu, nosho yo okupopyaana kwelai molweendjovo dihapu.

JESAJA 50:4

Omwene okwa pa nge elaka la longwa, opo ndi kale ndi nounongo okuyakula nokutwa ouladi ava va loloka; Oye ta pendula nge keshe ongula, ta pendula okutwi kwange, opo ndi ude ko panghedi yovalongwa.