OMAYELETUMBULO 14:2 - Ombibeli Iyapuki

² Ou ta ende moshili, ye ota tila Omwene. Ndelenee ou e neendjila da penga ote mu dini.

OMAYELETUMBULO 14:2 ပူးပေါင်းရင်းမြစ်များ

2 SAMUEL 12:9

Omolwashike wa dina ondjovo yOmwene mokulonga osho inashi yuka momesho aye? Uria, Omuheti, ove we mu dipaa neongamukonda, nomwalikadi waye we mu kufa a ninge omwalikadi woye, eshi we mu dipaifa eongamukonda lovana vaAmmoni.

1 EEHAMBA 3:6

Ndele Salomo okwa nyamukula Kalunga: “Ove wa fila tate David onghenda inene ngaashi ye a kala nokweenda koshipala shoye moudiinini nomouyuki nomutima wa yuka. Ndele we mu ulikila ohole ihe nexulilo, eshi wa tula omona kolukalwapangelo laye, ngaashi shi li nena eli.

2 EEHAMBA 17:34

Fiyo nena ohava longo panghedi yoshito: Ihava tila Omwene, ndele ihava longo paenghedimhango davo ile paenghedi davo ile pamhango yavo ile pashipango osho Omwene e shi yandja kovana vaJakob, ou Ye a luka Israel.

JOB 1:1

Moshilongo shaUs mwa li mu nomulumenhu edina laye Job. Nomulumenhu ou kwa li ehe noshipo nomuyuki ta tila Kalunga ndele ta kukuma owii.

JOB 12:4

Aame oshiyolifa sho kaume kange, ame ou nda ifana Kalunga ndele a uda nge. Omuyuki nomuhenashipo a ninga oshiyolifa.

JOB 28:28

Ndelenee okwa lombwela omunhu ndele ta ti: ‘Tala, okutila Kalunga okwo ounongo. Nokukukuma owii okwo eendunge.’ ”

OMAPSALOME 112:1

Halleluya! Omulumenhu omunelao ou ha tila Omwene, ndele ta hokwa shili oipango yaye.

OMAPSALOME 25:21

Oukoshoki noukalinawa nau amene nge, osheshi Omwene, Oove, nda teelela.

OMAYELETUMBULO 11:12

Ou ehe neendunge, ota dini omukwao, ndelenee omulumenhu e neendunge ta mwena.

OMAYELETUMBULO 16:17

Ondjila yovayuki tai kukuma owii, naau ta pashukile okweenda kwaye, ota amene omwenyo waye.

OMAYELETUMBULO 16:6

Okunyona taku yavelelwa nohole noudiinini, nomokutila Omwene omunhu ta kukuma owii.

OMAYELETUMBULO 19:1

Omukwanaluhepo ta ende ehe noshipo e dule ou e nomilungu inadi yuka ndele natango ye elai.

OMAYELETUMBULO 2:15

omalila avo a ngolyoka, ava hava yapuka mo meendjila davo;

OMAYELETUMBULO 28:6

Ohepele oyo tai ende ihe noshipo, i dule oshipuna tashi ende neendjila mbali.

OMUUDIFI 12:13

Efina loinima aishe twe i uda oleli: Tila Kalunga u diinine oipango yaye. Osheshi omunhu keshe osho e nokuninga.

LUKAS 10:16

“Ou te mu udu, ota udu nge, naau te mu dini, ota dini nge, naau ta dini nge, ye ota dini ou a tuma nge.”

LUKAS 16:14

Ndele Ovafarisai venya va li ve hole oimaliwa, ove di uda adishe, ndele ove mu kenya.

OILONGA YOVAYAPOSTOLI 10:22

Ndele vo ova tya: “Omunefele Kornelius, omulumenhu omuyuki nomutilikalunga, ou ta fimanekwa koshiwana ashishe shaJuda, okwa lombwelwa komweengeli muyapuki memoniko, e ku ifane u ye keumbo laye, a ude eshi u shi kwete shokupopya.”

OILONGA YOVAYAPOSTOLI 10:35

Ndele moshiwana keshe, keshe ou he mu tila ndele ta diinine ouyuki, ote mu wapalele.

OILONGA YOVAYAPOSTOLI 9:31

Opo nee eongalo alishe lomuJudea ashishe nolomuGalilea nolomuSamaria ola li li nombili, ndele fimbo tali litungu mokweenda metilo lOmwene nomokupopilwa kOmhepo Iyapuki, ola hapupala.