OMAYELETUMBULO 13:10 - Ombibeli Iyapuki

¹⁰ Elinenepeko tali eta eemhata. Ndelenee pwaava hava tambula omapukululo, ope nounongo.

OMAYELETUMBULO 13:10 ပူးပေါင်းရင်းမြစ်များ

1 EEHAMBA 12:16

Ovaisraeli aveshe eshi va mona nokutya, ohamba inai va pwilikina, ovanhu va nyamukula ohamba ndele tava ti: “Fye otu noshitukulwa shilipipo muDavid? Katu noshitukulwafyuululwa momona waIsai. Israel, inda komatwali oye! David, tala hano paife eumbo loye mwene!” Opo nee Ovaisraeli va ya komatwali avo.

2 EEHAMBA 14:10

Amasia, eshi wa finda Ovaedom, osho nee to linenepekele! Ame ohandi ku kunghilile u kale wa mwena meumbo. Omolwashike wa hala okweeta oudjuu, ove u kokele ovanhu naave mwene momupya?”

OMAYELETUMBULO 13:11

Oinima ya likolwa noupu tai ninipala, ndelenee ou ta diinine mokwoongela kanini nakanini, ota ka weda ko alushe.

OMAYELETUMBULO 13:9

Ouyelele wovayuki tau minikile nokuhafifa, ndelenee olamba yovahenakalunga tai dimi.

OMAYELETUMBULO 17:14

Ehovelo leshilafano olo ngaashi omeva taa panuka, onghee hano, efa eemhata fimbo oo inaa panuka.

OMAYELETUMBULO 19:20

Pwilikina epukululo u itavele outekuduliko, opo u mone eendunge dokomesho.

OMAYELETUMBULO 20:18

Eenghundafana tadi pameke eemhangela; hano mokushiva oita, diladila shili nawa.

OMAYELETUMBULO 21:24

Omulinenepeki nomulunduki ota ifanwa omusheki, shaashi ha kala e nokudina kaku shii kuyelekwa.

OMAYELETUMBULO 25:8

Ino endelela okuhokololifa, fiku limwe ku na sha eshi to dulu, omukweni ngeenge te ke ku fifa ohoni.

OMAYELETUMBULO 28:25

Omunalwisho weliko ta pendula eemhata, ndelenee ou te lineekele Omwene, ota ka hekelekwa.

LUKAS 22:24

Ndele muvo omwa tukuka eemhata olyelye womokati kavo e nokutalwa munene e dule vakwao.

1 TIMOTEUS 6:4

oye ote linenepeke, ye ke na eendunge, ndelenee ota yenwa komapulapulo, eemhata nokomatomhafano muwo tamu di efupa nondubo nomatukafano nomalimbililo mai,

JAKOB 4:1

Omalwoodi nomashilafano mokati keni otaa di peni? Hamouhalu weni ou hau kondjo moinhimbu yeni?

OVATOKOLIPANGELI 19:30

Nakeshe umwe ou e shi mona, okwa tya: “Oshinima sha fa eshi, inashi ningwa noinashi monika okefiku ovana vaIsrael va pita mo medu laEgipiti fiyo onena eli. Shi diladileni, kundafaneni, popyeni!”