OMAYELETUMBULO 12:1 - Ombibeli Iyapuki

¹ Ou e hole outekuduliko, ye e hole eshiivo. Ndelenee ou ha tondo okuhanyenwa, ye omushima.

OMAYELETUMBULO 12:1 ပူးပေါင်းရင်းမြစ်များ

OMAPSALOME 119:27

Konekife nge ondjila, ei nda udikilwa komalombwelo oye; opo ndi dilakane oikumwifalonga yoye;

OMAPSALOME 141:5

Omuyuki na denge nge, osho ohole, ye na pukulule nge, osho omuvaeko womomutwe, omutwe wange, eshi itau shi anye nande, osheshi natango eindilo lange tali kondjifa oumbudi wavo.

OMAPSALOME 32:9

Inamu fa eenghambe nomamula, aa ehe na eendunge, haa tulwa oitomo momakanya noikeshele, i deule ava vapwidi, va ehene kwoove.

OMAPSALOME 50:17

Ove mwene manga to dini outeku wange, neendjovo dange oto di pe ombuda;

OMAPSALOME 92:6

Omunhu ehe neendunge ite shi shiiva, nelai itali shi koneke.

OMAYELETUMBULO 10:8

Ou e nomutima u neendunge, ota diinine oipango, ndelenee ou e nomilungu doulai, ta wile po.

OMAYELETUMBULO 11:31

Ngeenge omuyuki ta mono ondjabi kombada yedu, unene hano omuhenakalunga nomulunde.

OMAYELETUMBULO 12:2

Ou muwa ta hokiwa kOmwene, ndelenee ou okayoka komedu ote mu tokola.

OMAYELETUMBULO 15:10

Ou ta yapuka mo mondjila ota hangika kehandukilo lidjuu. Ou ta tondo ehanyeno ta ka fya.

OMAYELETUMBULO 18:1

Ou te li tongola, ota kongo omahalo aye mwene. Neenghono adishe ta kondjifa osho shi neendunge.

OMAYELETUMBULO 30:2

Heeno, ame ndihe neendunge, inandi wana ndi talwe aame omunhu, ndele ndihe neendunge domunhu.

OMAYELETUMBULO 8:17

Ame ndi hole ava ve hole nge, naava hava kongo nge tava ka mona nge.

OMAYELETUMBULO 8:32

“Ovamwange, pwilikinei nge hano, osheshi ovanelao ovovo hava diinine eendjila dange.

OMAYELETUMBULO 8:36

Ndelenee ou ta di pwaame, ota pongeke okukalamwenyo kwaye. Aveshe ovo hava tondo nge, ve hole efyo.”

JESAJA 1:3

Ongobe oi shii mwene wayo, nokandongi oke shii etemba lokulila mo lamwene wako, ndelenee Israel iha shiiva novanhu vange inave shi didilika.”

LEVITIKUS 13:10

Nomupristeli ngeenge ta mono nokutya, moshipa omu nombulwa itoka, olududi lomuyo la toka fimbo onhumba tai umhuka mo mombulwa,

2 OVATESSALONIKI 2:10

nomakonda aeshe ouhenouyuki okunyona po ava tava ka kana, osheshi inava tambula ohole yoshili yoku va xupifa.