OMAPSALOME 82:3 - Ombibeli Iyapuki

³ Yukifileni ohepele nofiye, epongo nomufyoona navo nava popilwe nawa.

OMAPSALOME 82:3 ပူးပေါင်းရင်းမြစ်များ

JOB 29:12

osheshi ame nda xupifa omukwanaluhepo ou a kuwa onghuwo, nofiye ihe nomukwafi.

JOB 31:21

ofiye ngeenge nde i takela ongonyo yange, eshi nda mona ko okupopilwa kwange moshivelo,

OMAPSALOME 10:18

opo u yandjele ouyuki keefiye nokeehepele, paha kale vali omukwadu ta eta po etilifohaluko.

EXODUS 23:3

Ino kala nokatongotongo u liameke komufyoona ngeenge e neendjovo deemhata.

EXODUS 23:6

“Ino pengifa eendjovo domukwanaluhepo e li mokati keni, ngeenge e neendjovo deemhata.

OMAYELETUMBULO 31:9

Makula okanya koye, tokola pauyuki, u yukife eendjovo deehepele nodovakwanaluhepo.”

JESAJA 1:17

Lilongeni okuninga ouwa; shikuleni ouyuki, hekelekeni ovafininikwa, tokoleleni, eefiye etokolo liyuki, popileni ovafiyekadi.”

JESAJA 1:23

Ovakulunhu voye ova ninga ovanandubo novakwao vovalunga; keshe umwe womuvo e hole okupewa ombubo, ndele ta lovelele ondjabi. Eefiye itadi yakulwa, neendjovo dovafiyekadi itadi fiki ko kuvo.

JEREMIA 21:12

Eumbo laDavid! Omwene osho ta ti: ‘Ongula keshe tokoleni omatokolo a yuka, xupifeni onakunyekwa meke lomuhepeki, opo ehandu lange liha teme ngaashi omundilo ndiha xwame molwowii woilonga yeni, ndele puha kale omudimi.’

JEREMIA 22:16

Oonakuhepekwa neehepele okwe va yukifila eendjovo davo opo nee ye a kala nawa. Okukala ngaha hako okushiiva nge, Omwene ta ti?

JEREMIA 22:3

Omwene osho ta ti: “Longeni eshi sha yuka, wanifeni ouyuki nye mu xupife oonakunyekwa momake ovahepeki, omunailongo nofiye nomufiyekadi inamu va ningila osho inashi yuka, ndele inamu va hepeka ndele inamu tilashi ohonde ihe netimba monhele ei.

JEREMIA 5:28

Ova ondoka, va ondokelela, va twima omaadi, ndele hava kungu eendjovo dii; vo ihava yukifa pashili eendjovo deefiye ihave di yukifa noku va popila. Eehepele yo ihave va popile va tokolwe nawa.

SAKARIA 7:9

“Omwene womatanga ovakwaita osho ta ti: ‘Tokoleni omatokolo a yuka ndele holafaneni, nye mu filafane onghenda.

DEUTERONOMION 10:18

Ye ota yukifa eendjovo deefiye nodovafiyekadi, ndele e hole omunailongo ndele te mu pe omungome noikutu.

DEUTERONOMION 24:17

“Ino pengifa ouyuki womunailongo ile ofiye, ndele ino kufa ko omufiyekadi oshikutu shaye ombabyona.

JAKOB 1:27

Elongelokalunga la yela nolihe nedilo lasha koshipala shaKalunga naTate oleli: okutalela po eefiye novafiyekadi momaudjuu avo, nokuliamena aha nyatekwe kounyuni.