OMAPSALOME 79:3 - Ombibeli Iyapuki

³ Ohonde yavo ove i tilashi ngaashi omeva mominghulo adishe daJerusalem, kapa li ou te va pake.

OMAPSALOME 79:3 ပူးပေါင်းရင်းမြစ်များ

JEREMIA 16:4

Otava ka fila momaudu okufya, itava lilwa eenghali noitava pakwa. Otava ningi oushosho womedu. Otava ka pwa po keongamukonda nokondjala, noimhu yavo otai ningi eendja deedila dokeulu nodoifitukuti.

JEREMIA 14:16

Noshiwana osho sha xunganekelwa kuvo otashi ka nangala momapandavanda aJerusalem, sha fya kondjala nokeongamukonda, nopehe na ou te va pake, voovene novalikadi vavo novana vavo ovamati noukadona. Osho ngaha owii wavo vene ohandi u tile kombada yavo.

EHOLOLO 11:9

Novanhu vomoiwana novomapata novomomalaka novomomaludi otava ka kala nokutala oimhu yavo omafiku atatu netata, ndele vo itava itavele oimhu yavo i tulwe mombila.

EHOLOLO 18:24

ndele musho omwa monikile ohonde yovaxunganeki, nohonde yovayapuki noyaava aveshe va dipawa kombada yedu.”

EHOLOLO 17:6

Ndele onda mona omukainhu a kolwa kohonde yovayapuki noyeendobwedi daJesus, ndele nda kumwa nonghumwe inene, eshi nde mu mona.

EHOLOLO 16:6

osheshi ovo kwa li va tilashi ohonde yovayapuki noyovaxunganeki, Ove owe va pa okunwa ohonde, osheshi ve shi lilongela!”

OVAROMA 8:36

Ongaashi pa shangwa: “Omutenya aushe ohatu ku dipaelwa, twa talwa ngaashi eedi tadi dipawa.”

MATEUS 23:35

ohonde aishe iyapuki, ya tilwashi kombada yedu opo i uye kombada yeni okohonde yaAbel omuyuki fiyo okohonde yaSakaria, omona waBerekia, mwe mu dipaela pokati kotembeli noaltari.

JEREMIA 34:20

Ovo tuu ovo handi va yandje momake ovatondadi vavo, nomake avo va nangela eemwenyo davo, noimhu yavo otai ka ninga eendja deedila dokeulu nodoifitukuti yokombada yedu.

JEREMIA 25:33

Ndele mefiku tuu linya oonakudipawa kOmwene otava ka kala nokunangala kominghulo dounyuni fiyo ominghulo dikwao, itava lilwa eenghali vo itava pakwa; otava ningi oushosho wedu.

JEREMIA 15:3

Ndele Ame ohandi va undulile oiponga yopane, Omwene osho ta ti: eongamukonda lokudipaa po, eembwa dokukokolola po needila dokeulu noifitukuti yokombada yedu yokulyana nokuhanauna po.

OMAPSALOME 141:7

Ngaashi umwe ta limi edu ndele te li hende, osho omakipa etu taa nyanekwa mokanya koshovafi.

OMAPSALOME 79:10

Ongahelipi mbela ovapaani va pewe va tye: “Kalunga kavo paife oku li nee peni?” Koipala yetu natu talifwe ehandukilo lovapaani molwohonde yovapiya voye, ei va tilashi.

SEFANIA 1:17

Novanhu ohandi ke va twala moudjuu unene, ndele otava ka elaela ngaashi ovapofi, osheshi ova nyona kOmwene. Nohonde yavo otai ka tilwashi ngaashi ondwi, naashi shomeni ngaashi onyata.