OMAPSALOME 71:3 - Ombibeli Iyapuki

³ Kala emanya lokukala kwange, nohote ya pama yokuningina mo. Ove ou wa sheyela nge exupifo, osheshi Oove emanya lange nohote yange.

OMAPSALOME 71:3 ပူးပေါင်းရင်းမြစ်များ

OMAPSALOME 144:2

Ou ta pe nge onghenda, nohotemanya yange, nengholo lange, nomuxupifi wange, noshikelelifo shange, kwaau oko nde lineekela, ndele ta pangelifa nge oshiwana shange.

OMAPSALOME 18:2

Omwene Oye emanya lange la pama, nohotengulu yange, nomuxupifi wange. Kalunga kange Oye omhunda yange yehondamo oko handi tondokele, Oye oshikelelifo shange, noluvinga lexupifo lange, nohote ya kolelela.

OMAPSALOME 18:3

Ohandi ifana Omwene, nokovatondi vange ota xupifa nge; Omwene na hambelelwe!

OMAPSALOME 42:8

Nomutenya Kalunga oha yandje onghenda yaye, nomoufiku eimbilo laye otali kala pamwe naame, nohandi ilikana Kalunga kokukalamwenyo kwange.

OMAPSALOME 44:4

Oove auke ohamba yange, Kalunga! Tumina Jakob ekwafo!

OMAPSALOME 68:28

Kalunga koye e ku sheyela eenghono doye. Akutu Kalunga, shi diinina, eshi we tu ningila!

OMAPSALOME 89:27

Onghee hano naame yo onda hala ndi mu ninge oshiveli nomukulunhu mokati keehamba dokombada yedu.

OMAPSALOME 90:1

Omwene, Oove u li po ehondameno letu okudja koludalo noludalo.

OMAPSALOME 91:9

Osheshi wa ninga Omwene eameno loye, naau wOkombadambada owe mu ninga ohote yoye.

OMAYELETUMBULO 18:10

Edina lOmwene olo oshungongulu ya pama. Omuyuki ta hondama mo ndele ta amenwa.

JESAJA 33:16

Oye ta ka mona onhele yaye pombada pokule, ehondamenongulu laye olo ohotemanya yaye; ota ka pewa omungome waye nomeva itae mu pwininine.

HESEKIEL 9:6

Dipaeni ovaxungu novamati noukadona, nounona novalikadi, inamu xupifa po sha. Ndelenee inamu kuma nande umwe waava ve nedidiliko, ndele hoveleni motembeli yange.” Ndele vo ova hovela povalumenhu, nokutya ovakulunhu ava va li pondje yotembeli.

DEUTERONOMION 33:27

Kalunga kaalushe Oye ehondameno loye, ndele koshi omaoko aye aalushe tae ku papata. Ndele Ye okwa taataa omutondadi komesho yoye nokwa tile, mu hanauna po!