OMAPSALOME 70:4 - Ombibeli Iyapuki

⁴ Ndelenee ava aveshe, tave ku kongo, va nyakukwe nokuhafa mwoove. Naava hava djuulukwa exupifo loye, alushe nava hepaulule va tye: “Kalunga Oye omunene!”

OMAPSALOME 70:4 ပူးပေါင်းရင်းမြစ်များ

OMAPSALOME 35:27

Ava, va halela nge eyukifilo, vo nava nyakukifwe va hafe, alushe vo va tye: “Omwene, Oye omunene, ou ta halele omupiya waye ouwa.”

OMAPSALOME 40:16

Aveshe ava tave ku kongo, nava nyakukwe nokuhafela mwoove; aveshe ava tava djuulukwa exupifo loye, vo va tye alushe: “Omwene Oye omunene!”

OMAPSALOME 5:11

Opo nee aveshe ava ve ku lineekela, nave ku hafele; alushe nava kuwilile, molwaashi to va amene, notave ku tanhele ava ve hole edina loye.

OMAPSALOME 97:12

Ovayuki nye, hafeleni mOmwene, nye hambeleleni edina laye liyapuki.

JESAJA 61:10

Ame ohandi hafele mOmwene unene, omwenyo wange otau nyakukilwa muKalunga kange, osheshi Ye okwa dika nge oshikutu shexupifo, nokwa uvika nge nelwakani louyuki ngaashi omuhomboli ou ta humbata embale loshivilo, ngaashi omupristeli nongaashi omuhombolwa ou te liwapeke noumanyawapeko.

OMAIMBILOKEMO 3:25

Omwene ota ningile ouwa kwaava tava tula muye elineekelo lavo nokomwenyo ou tau mu kongo.

JOHANNES 16:20

Oshilishili handi mu lombwele: otamu kala nokulila nokunyemata, ndele ounyuni otau hafe. Onye tamu kala nokunyika oluhodi, ndelenee oluhodi leni tali ka shituka ehafo.