OMAPSALOME 69:3 - Ombibeli Iyapuki

³ Onda loloka kokukuwa kwange, omunino wange owa fita; omesho ange okwa dinda kokulila kwange, manga ndi li po nda teelela Kalunga kange.

OMAPSALOME 69:3 ပူးပေါင်းရင်းမြစ်များ

JOB 11:20

Ndelenee omesho ovakolokoshi taa ka loloka, onhele yavo yokuhondama ve i kanifa. Eteelelo lavo okufuda mo omufudo waxuuninwa.”

JOB 16:16

Oshipala shange sha tilyana molwokulila, neefeleisho dange di nomulaulu,

OMAPSALOME 119:123

Omesho ange otaa dakamene exupifo loye neudaneko loye la yuka.

OMAPSALOME 119:82

Omesho ange otaa dakamene omaudaneko oye ndele taa ti: “Onaini to ya okuhekeleka nge?”

OMAPSALOME 22:15

Eenghono dange oda kukutila mo da fa oshikangwa, nelaka lange ola kanyatela moshihokohoko; Ove to nangeke nge mondwi yefyo.

OMAPSALOME 22:2

Kalunga kange, omutenya ohandi kuu onghuwo, ndele Ove ito i nyamukula, nomoufiku ihandi mono elotifo!

OMAPSALOME 25:21

Oukoshoki noukalinawa nau amene nge, osheshi Omwene, Oove, nda teelela.

OMAPSALOME 39:7

Hano paife, Omwene, handi teelele shike? Eteelelo lange omwoove auke li li, Omwene.

OMAPSALOME 40:3

ndele okwa tula mokanya kange eimbilo lipe, ehambeleloimbilo lokufimaneka Kalunga ketu. Vahapu tave li mono, ndele tava tila ndele tave lineekele Omwene.

OMAPSALOME 6:6

Onda loloka molwomanyemato ange aeshe; keshe oufiku ohandi tutike omutala wange, nomulele wange ohandi u talaleke nomahodi ange.

OMAPSALOME 69:21

Ahowe, ova pa nge nokuli, ndi lye onyango, naashi nda fya enota, ova pa nge ndi nwe oshinuwa shilula.

OMAPSALOME 88:7

Ehandu loye otali lyaminikile nge pedu, omakufikufi oye oto a findilifa nge koshi. Sela

JESAJA 38:14

Ngaashi okahanameva nongaashi ewanye ohandi lili, nohandi kwena ngaashi onghuti; omesho ange a leda molwokutala keulu: Omwene, popile nge, osheshi ame ohandi fininikwa.

OMAIMBILOKEMO 2:11

Omesho ange a twiyala komahodi; eshi shomeni lange osha fuluka. Omutima wange wa hala okutopa omolwenyonauko lomona okakadona koshiwana shange. Osheshi ounona nouhanana tava pundile po meendabo doshilando.

JOHANNES 19:28

Ndele konima yoinima ei, Jesus, eshi a shiiva oinima aishe ya wanifwa, omishangwa di wanifwe, okwa tya: “Nda fyenota.”

DEUTERONOMION 28:32

Ovana voye ovamati noukadona tava ka kwatwa nokutwalwa koshiwana shimwe fimbo omesho oye tae shi tale nefiku alishe tae va djuulukwa neenghono, ndele ove ito dulu okuninga sha.

OVAHEBERI 5:7

Jesus a yandja pomafiku aye omombelela omayambo omaindilo nomailikano nokukuwa pombada nomahodi kwaau ta dulu oku mu xupifa mefyo, nokwa udika omolwetilokalunga.