OMAPSALOME 67:7 - Ombibeli Iyapuki

⁷ Kalunga ne tu nangeke noupuna. Ndele Oye na tilike fiyo okeexulo adishe dounyuni.

OMAPSALOME 67:7 ပူးပေါင်းရင်းမြစ်များ

OMAPSALOME 22:27

Fiyo okominghulo dounyuni otave ke shi shipulula, ve lialulukile kOmwene, noiwana aishe yovapaani otai ke linyongamena koshipala shoye,

OMAPSALOME 29:11

Omwene ota ka yandja eenghono koshiwana shaye; oshiwana shaye Omwene te ke shi punika nombili.

OMAPSALOME 33:8

Edu alishe nali tile Omwene. Ovakalimo mounyuni aveshe nava kakame koshipala shaye.

OMAPSALOME 65:5

Oove ho tu nyamukula noikumwifa mouyuki, Kalunga kexupifo letu, Oove eameno lomaxulilo aeshe edu nolomafuta okokulekule,

OMAPSALOME 72:17

Edina layo nali kale po fiyo alushe, fimbo oku netango, edina layo nali twalwatwalwe, opo oiwana aishe i nangekwe noupuna muyo noku i pandula yo i nelao.

OMAPSALOME 98:3

Eumbo laIsrael okwe li dimbulukila ouwanghenda waye noudiinini; fiyo okeexulo adishe dounyuni oda mona oshilonga shaKalunga shexupifo.

JESAJA 30:23

Opo nee eembuto doye we di kuna mepya loye ote ke di lokifila odula, ndele edu tali ku menifile oilya yomungome munyenye tau kutifa. Mefiku tuu olo oimuna yoye otai ka wandjela moulifilo wa mbwalangadja,

JESAJA 43:6

Ame ohandi ka lombwela oumbangalanhu: ‘Eta!’ Nombuwanhu: ‘Ino anyena!’ Eta oku ovamwange ovamati vokokulekule, novamwange oukadona vokominghulo dounyuni,

JESAJA 45:22

Alukeni, ileni kwaame, xupifweni, onye ominghulo adishe dedu, osheshi Aame andike Kalunga, kape na vali umwe.

JESAJA 52:10

Omwene okwa holola okwooko kwaye kuyapuki moipafi yoiwana aishe, nominghulo adishe dedu otadi ka mona exupifo laKalunga ketu.

LEVITIKUS 26:4

opo nee Ame ohandi ke mu lokifila odula pefimbo liwa nedu tali yandje oshishipo nomiti domoixwa tadi yandje oiimati yado.

MIKA 5:4

Ndele Ye ota ka holoka ndele te va lifa meenghono dOmwene, nomounene wedina lOmwene Kalunga kaye. Ndele vo tava ka kala netulumuko, osheshi paife Ye ota ka kala munene fiyo okominghulo dedu.

SAKARIA 8:12

Osheshi ombuto yehepuluko tai kunwa, omuviinyu tau ka ima oiimati yao, nedu tali ka menifa oimeno yalo, neulu tali ka ufa omume. Noshixupe shoshiwana eshi Ame ohandi ke shi fyuululifa oinima ei aishe.

SAKARIA 9:10

Ndele ota ka hanauna po omatemba oita omuEfraim neenghambe domuJerusalem, nouta woita tau ka teywa po; ndele ta udifile oiwana ombili. Nepangelo laye tali tu kefuta limwe fiyo okefuta likwao nomulonga waEufrat fiyo okominghulo dedu.

MALAKIA 1:11

Osheshi edina lange otali kala linene mokati kovapaani kokudja kepito letango fiyo okokuningina kwalo. Ndele monhele keshe tamu twiminwa efimano ledina lange notamu etwa eyambo la koshoka. Osheshi edina lange otali kala linene mokati kovapaani, Omwene womatanga ovakwaita ta ti.

MALAKIA 4:2

Ndelenee nye ava hamu tila edina lange, etango louyuki tali ke mu pitila, neveluko koshi yomavava alo. Ndele nye tamu ka pita mo nokunhuka ngaashi eenhaanguda, da dja moshinyongo.

OILONGA YOVAYAPOSTOLI 13:26

“Ovalumenhu nye ovamwatate, onye ovana vomoludalo laAbraham, nanye ava vamwe hamu tila Kalunga, fye otwa tuminwa ondjovo yexupifo eli.

OILONGA YOVAYAPOSTOLI 13:47

Osheshi osho ngaha Omwene e tu lombwela: ‘Ame nde ku tula po ouyelele wovapaani, u ninge exupifo fiyo okominghulo dedu.’ ”

OILONGA YOVAYAPOSTOLI 2:28

Osheshi Ove ho shiivifile nge eendjila domwenyo, oto ka yadifa nge ehafo lokoshipala shoye.’

OVAGALATI 3:14

enangeko noupuna laAbraham opo li ye kovapaani muKristus Jesus, opo tu mone keitavelo Omhepo oyo twe i udanekelwa.

OVAGALATI 3:9

Osho hano ava vomeitavelo tava nangekwa noupuna pamwe naAbraham omwiitaveli.

EHOLOLO 15:4

Olyelye ou ite ku tila, Omwene, ndele ita fimaneke edina loye? Osheshi Oove auke omuyapuki; osheshi oiwana aishe otai uya ndele tai ku linyongamene, osheshi omatokolo oye omayuki a holoka.”