OMAPSALOME 5:3 - Ombibeli Iyapuki

³ Omwene, ongula inene to ka uda ondaka yange; ongula inene ohandi ku lilongekidile efiyawilo nohandi liameke kwoove.

OMAPSALOME 5:3 ပူးပေါင်းရင်းမြစ်များ

JOB 34:28

ndelenee va kuwifa eehepele onghuwo koshipala shaye, ndele Ye a uda onghuwo yovakwanaluhepo.

OMAPSALOME 119:147

Ohandi penduka fimbo inaku sha, ndele handi kuu onghuwo. Ohandi teelele ondaka yoye.

OMAPSALOME 130:2

Omwene, uda ondaka yange! Omatwi oye naa pwilikine nawa ondaka yomailikano ange.

OMAPSALOME 130:6

Omwenyo wange ou neteelelo tau teelele Omwene, li dule lomunangeli ta teelele ku she, heeno, oli dule lomunangeli ta teelele ku she.

OMAPSALOME 145:1

Onda hala ndi ku fimaneke, Kalunga kange, ohamba, nokutanga edina loye alushe fiyo alushe.

OMAPSALOME 22:2

Kalunga kange, omutenya ohandi kuu onghuwo, ndele Ove ito i nyamukula, nomoufiku ihandi mono elotifo!

OMAPSALOME 44:5

Nekwafo loye ohatu ka denga poshi ovatondi vetu, nomedina loye hatu ka lyataula ovakondjifi vetu.

OMAPSALOME 55:17

Onguloshi nongula nomutenya ohandi lili nokunyemata, opo Ye ota udu ondaka yange.

OMAPSALOME 69:16

Omwene, ude nge, osheshi onghenda yoye oiwa, inyenye; molwefilonghenda loye linene liameka kwaame.

OMAPSALOME 74:12

Kalunga, Oove ohamba yange yonale, nghee nda dja; oshilonga shexupifo oho shi longo kombada yedu.

OMAPSALOME 84:4

Ovanelao ovo tava kala meumbo loye, have ku hambelele alushe. Sela

OMAPSALOME 88:13

Onghee ohandi ingida mokule kwoove, Omwene, nongulangula eindilo lange otali ku shakeneke.

JESAJA 26:9

Omwenyo wange ohau ku djuulukwa oufiku, heeno, nomhepo yange meni lange otai ku kongo, osheshi omatokolo oye, ngeenge taa hange edu, ovakwaunyuni otave lilongo ouyuki.

OMAIMBILOKEMO 3:56

Ove wa uda ondaka yange: ‘Onghuwo yange ove ino i fitikila okutwi kwoye.’

MARKUS 1:35

Nongula inene, fimbo eluwa inali tenda, Ye okwa penduka a dja mo, ndele okwa ya koima kwe likalela, ndele ta ilikana.