OMAPSALOME 47:9 - Ombibeli Iyapuki

⁹ Eedalekele doilongo oda ongala puye, da ninga oshiwana shaKalunga kaAbraham. Osheshi oikelelifo yedu oyaKalunga, Oye a fimana pombada.

OMAPSALOME 47:9 ပူးပေါင်းရင်းမြစ်များ

OMAPSALOME 89:18

osheshi oikelelifo yetu, oyOmwene, nohamba yetu, oyo Omuyapuki waIsrael.

GENESIS 49:10

Epangelodibo itali ka kufwa kuJuda nodibo youhamba itai di po peemhadi daye. Fiyo ou e na okuuya te uya, noiwana tai ka dulika kuye.

EXODUS 3:6

Ye ta ti vali: “Aame Kalunga kooxo, Kalunga kaAbraham, Kalunga kaIsak naKalunga kaJakob.” Opo nee Moses okwa uvika oshipala shaye, osheshi okwa tila okutala Kalunga.

OVAGALATI 3:29

Ndele nye ngeenge ovaKristus, onye yo oludalo laAbraham novafyuululi paudaneko.

OMAYELETUMBULO 30:5

“Ondjovo keshe yaKalunga oya yelekwa. Ye oshikelelifo shaava hava ame kuye.

OMAPSALOME 97:9

Osheshi Omwene, Oove omunenenene kombada yedu alishe, wa tumbala unene komesho yookalunga aveshe.

OMAPSALOME 72:11

Heeno, oyo oi nokulinyongamenwa koshipala shaye, noiwana yovapaani i noku ke i longela.

OMAPSALOME 46:10

Ota ti: “Ngungumaneni, nye dimbulukweni, nokutya Aame andike Kalunga, nda tumbala mokati koiwana yoilongo, nda tumbala kombada yedu.”

OVAROMA 11:25

Osheshi ovamwatate, opo muha ye neendunge deni vene, onda hala ndi mu hololele oshiholekwa eshi: Elikukutiko ola hanga Israel kombinga, fiyo ouyadi wovapaani we uya mo.

MATEUS 22:32

‘Aame Kalunga kaAbraham naKalunga kaIsak naKalunga kaJakob?’ Kalunga Oye ke fi Kalunga koonakufya,

JESAJA 49:23

Ndele eehamba otadi ningi ovayakuli voye, ovapangeli ovambada vavo otave ke va nyamifa. Otave linyongamene koshipala shoye, ndele tava lafa ondwi keemhadi doye. Ove to ka shiiva nge, Aame Omwene, ndele ava tava teelele nge, itava fifwa ohoni.

JESAJA 49:7

Omwene Omukulili waIsrael, Omuyapuki waye ota lombwele ou a dinwa shili, ou a tondwa kovanhu, ou omupiya wovapangeli: “Eehamba otadi ke shi mona, ndele tadi kala ofika, novapangeli otave ke linyongamena omolwOmwene ou omudiinini,” omolwOmuyapuki waIsrael, ou e ku hoolola.

JESAJA 11:10

Ndelenee mefiku tuu olo oiwana otai ka pula oshitutumine shomomudi waIsai, sha dikilwa oiwana aishe ngaashi epandela, monhele yetulumuko laye otai ka kala i yadi oshinge.

EXODUS 3:15

Opo nee Kalunga okwa lombwela vali Moses ta ti: “Odo u noku di shiivifila Ovaisraeli: ‘Omwene Kalunga kooxo, Kalunga kaAbraham naKalunga kaIsak naKalunga kaJakob okwa tuma nge kunye.’ Olo edina lange fiyo alushe nalo Ame handi ifanwa kepupi fiyo okepupi.