OMAPSALOME 4:3 - Ombibeli Iyapuki

³ Shi shiiveni nokutya, Omwene okwe lihoololela omuyuki, Omwene ota udu nge, ngeenge handi mu ifana.

OMAPSALOME 4:3 ပူးပေါင်းရင်းမြစ်များ

OMAPSALOME 31:23

Kaleni mu hole Omwene, ovakoshoki nye amushe! Ava tava diinine, Omwene ote va amene; ndelenee ou te litumbaleke mwene, ote shi mu alulile oushima u yadi.

OMAPSALOME 34:15

Omesho Omwene okwe a talifila ovayuki, nomatwi aye okwe a ameka kekwenauko lavo.

OMAPSALOME 49:3

Okanya kange naka popye ounongo, nomadiladilo omutima wange oo eendunge doovenevene.

OMAPSALOME 50:5

“Ongeleleni nge ovakoshoki vange, ava twa hangana navo nomayambo.”

OMAPSALOME 56:9

Hano mokwiifana kwange Kalunga, opo tuu ovatondi vange tava shuna monima. Ondi shi shii shili: Kalunga okwa ama kwaame.

OMAPSALOME 6:8

Ovalongi vowii amushe nye, djeni po pwaame amushe! Osheshi Omwene okwa uda ekwenauko lange;

OMAPSALOME 62:10

Inamu lineekela omunyeka, inamu liwewelekela oitinhwa yeni; nemona ngeenge tali hapupala, inamu mangela mo omitima deni!

EXODUS 33:16

Osheshi omoshike ngeno mwa shiivika nokutya, ame nda filwa onghenda momesho oye, ame noshiwana shoye? Hakusho ngeno, Ove eshi ho ende pamwe nafye? Osho ngaha hano ame noshiwana shoye twa tongoka moiwana aishe yokombada yedu.”

JOHANNES 15:16

Nye, hanye mwa hoolola nge, Aame nde mu hoolola, nonde mu tula po mu ye ko, nye mu ka ime oiimati, noiimati yeni i kalelele, opo nee keshe tuu eshi tamu shi indile Tate medina lange, Oye te shi mu pe.

OVAEFESO 2:10

Osheshi ofye oshilonga shaye twa shitilwa muKristus Jesus oilonga iwa oyo ya longekidwa nale kuKalunga opo fye tu kale nokweenda muyo.

2 TIMOTEUS 2:19

Nande ongaha, ekanghameno la pama laKalunga tali kala la pamenena, ndele ou na oshihako eshi: “Omwene ava vaye oku va shii, nakeshe tuu ou ta ifana edina lOmwene, na efe ouhenouyuki.”

TITUS 2:14

Oye ou e liyandja ponhele yetu e tu kulile mo mowii aushe Ye e liyelifile oshiwana shaye mwene, osho hashi diinine shili oilonga iwa.

1 PETRUS 2:9

Ndelenee nye epata la hoololwa nongudu youpristeli pauhamba noshiwana shiyapuki novana vaye mwene, mu hepaulule oilonga ya fimana yaau e mu ifana mo momulaulu, mu ye mouyelele waye tau kumwifa.

2 PETRUS 2:9

Osho ngaha Omwene e shii okuxupifa ovayuki momahongaulo nokukwatelela ovalunde va ka handukilwe efiku letokolo,