OMAPSALOME 17:1 - Ombibeli Iyapuki

¹ Omwene, uda ondjovo ya yuka! Pwilikina okweehela kwange, Ove u tambule eindilo lange, inali dja komilungu di noipupulu!

OMAPSALOME 17:1 ပူးပေါင်းရင်းမြစ်များ

2 SAMUEL 22:24

Ndelenee ame nda li ndimuyuki moipafi yaye. Ndele nda lungama ndiha nyone.

2 OMAFIMBO 7:15

Paife omesho ange taa ka pashukila onhele ei nomatwi ange taa pwilikine eilikano lomonhele ei.

NEHEMIA 1:6

okutwi kwoye naku ude nomesho oye naa pashuke, u pwilikine omailikano omupiya woye, ame eshi handi ilikanene koshipala shoye omutenya noufiku ovana vaIsrael, ovapiya voye, nokuhepaulula omatimba ovana vaIsrael, aa twa nyona kwoove; naame yo neumbo lange la nyona.

JOB 16:17

momake ange nande muhe noukolokoshi neilikano lange ola yela.

OMAPSALOME 102:2

Alushe ngeenge handi tila, ino holeka nge oshipala shoye, alushe ngeenge handi ifana, endekela okutwi kwoye kwaame, u kwafe nge diva.

OMAPSALOME 140:12

Ondi shi shii, Omwene Oye ota endifa oshikondjelwa shovakwanaluhepo, ekondjo lomapongo okuyukifilwa.

OMAPSALOME 142:1

Ohandi lalekida Omwene mokule, ohandi lilile Omwene mokule.

OMAPSALOME 142:6

Akutu, pupapupa eehelo lange, shaashi eenghono dange oda xupipala nai. Xupife nge movataataai vange, osheshi ove dule nge eenghono.

OMAPSALOME 143:1

Omwene, uda eindilo lange, Ove pwilikina eehelo lange. Molwoudiinini woye itavela nge, omolwouyuki woye.

OMAPSALOME 145:18

Omwene oku li popepi naaveshe, have mu ifana, aveshe ava have mu ifana moshili.

OMAPSALOME 18:20

Omwene okwa pa nge pauyuki wange ndele ta punike nge paukoshoki womutima wange.

OMAPSALOME 18:44

Ovanailongo tava komonene nge omitwe. Mokuuda ondaka yange, ova dulika kwaame.

OMAPSALOME 43:1

Kalunga, yukifile nge, u popile nge kovanhu vehe na onghenda, Omwene, Ove u xupife nge kovanhu ve noipupulu noumbudi.

OMAPSALOME 5:2

Akutu, Ohamba yange naKalunga kange, uda elilo lange lopombada, osheshi kwoove oko handi eta eindilo lange.

OMAPSALOME 54:4

Ondi shi shii, Kalunga Oye omukwafi wange, Omwene Oye eyambidido lomwenyo wange.

OMAPSALOME 55:18

Omwenyo wange ote u kulile, u mone ombili, opo vaha hange nge; osheshi ovo ve nondubo naame ovahapu.

OMAPSALOME 61:1

Kalunga, uda okwiingida kwange, Ove didilika eilikano lange!

OMAPSALOME 61:2

Moulikule wange kexulilo ledu ohandi ku ifana, omutima wange eshi owa lololwa; twale nge kemanya lile, ame mwene nda nyengwa okulonda ko.

OMAPSALOME 66:19

Ndelenee Kalunga okwa uda nge nokuli, okwa dimbulukwa eindilo lange.

OMAPSALOME 7:8

Omwene ota tokola oiwana. Omwene, yukifile nge pauyuki wange nopaukoshoki wange.

OMAPSALOME 84:9

Akutu Kalunga, Oove oshikelelifo shetu, tala u tale oshipala shomuvaekwa woye.

OMAPSALOME 86:1

Omwene, endeka okutwi kwoye, u ude nge, osheshi aame epongo nohepele!

OMAPSALOME 86:6

Omwene, uda eindilo lange, yavelela eilikano lange lomokule!

OMAPSALOME 88:3

Osheshi omwenyo wange owa tunyukwa omaudjuu, nokukalamwenyo kwange otaku likokele popepi noshovafi.

JESAJA 29:13

Ndele Omwene okwa tya: “Osheshi ovanhu ava otava ehene kwaame nomakanya avo, ndele tava fimaneke nge nomilungu davo, ndele eemwenyo davo ove di kaleka kokule naame, netilokalunga lavo oshipango shongaho ve shi longwa kovanhu,

JEREMIA 3:10

Ndele nande opa li ngaha, omumwaina Juda, ou e liteeka nge, ina aluka e uye kwaame nomutima waye aushe, ndelenee okwa li e noipupulu yaye. Omwene osho ta ti.”

MATEUS 15:8

‘Ovanhu ava ohava fimaneke nge nomilungu, ndele omitima davo odi li kokule naame;

JOHANNES 1:47

Opo nee Jesus okwa mona Natanael te uya kuye, ndele e mu tonga ta ti: “Tala, Omuisraeli washili ehe nekoto.”

1 JOHANNES 3:21

Ovaholike, omutima wetu ngeenge itau tu hokololifa, opo otu neyombamo koshipala shaKalunga,