OMAPSALOME 132:9 - Ombibeli Iyapuki

⁹ Ovapristeli voye nave lidike ouyuki, novakoshoki voye nava nyakukwe.

OMAPSALOME 132:9 ပူးပေါင်းရင်းမြစ်များ

JOB 29:14

Ame nda djala ouyuki, nowo wa uvika nge, nouyuki wa li elwakani lange.

EHOLOLO 19:8

nokwa pewa a djale oikutu yoliina itoka ya vilima noya yela.” Oikutu oyo yoliina oyo ouyuki wovayapuki.

1 PETRUS 5:5

Osho ngaha nye, ovanyasha, dulikeni kovakulunhu, naamushe mokukalafana kweni djaleni elininipiko, osheshi: “Kalunga oha tondo ovalinenepeki, ndele ovalininipiki te va file onghenda.”

SAKARIA 9:9

Hafa unene, ove omona okakadona kaSion, nyakukwa pombada, omona okakadona kaJerusalem! Tala, ohamba yoye te uya kwoove! Ye omuyuki nomufindani, Ye omulixupipiki, ndele ta londo okambulu, okambulwena kokambulu okakadi.

JESAJA 61:10

Ame ohandi hafele mOmwene unene, omwenyo wange otau nyakukilwa muKalunga kange, osheshi Ye okwa dika nge oshikutu shexupifo, nokwa uvika nge nelwakani louyuki ngaashi omuhomboli ou ta humbata embale loshivilo, ngaashi omupristeli nongaashi omuhombolwa ou te liwapeke noumanyawapeko.

OMAPSALOME 132:16

Ovapristeli vasho ohandi va djaleke exupifo, novayuki vasho nava nyakukifwe pombada.

OMAPSALOME 104:1

Omwenyo wange, tanga Omwene! Omwene, Kalunga kange, ounene woye ou fike peni! Ove owa djala efimano noshinge,

OMAPSALOME 93:1

Omwene Oye ohamba! Okwe lidika etumbalo; etumbalo Omwene e lidjala, ekwamo laye olo eenghono; nongonga yedu alishe owe i pameka yo, ihe linyengaanyenge.

OVAROMA 13:14

Ndelenee djaleni Omwene Jesus Kristus, nombelela yeni inamu i yakulila okahalu.

SEFANIA 3:14

Akutu omona okakadona Sion, nyakukwa, ove Israel kuwilila! Nyakukwa ove u kuwilile nomwenyo aushe, omona okakadona Jerusalem.

JESAJA 65:14

Tala, ovapiya vange otava ka kuwilila ehafo lokomutima, ndelenee nye otamu ka kuwaana komahepeko omomutima, ndele tamu kwena molwomhepo ya teyauka.

OMAPSALOME 149:5

Ovakoshoki nava tanhe nouladi, nomomitala davo nava nyakukwe,

OMAPSALOME 70:4

Ndelenee ava aveshe, tave ku kongo, va nyakukwe nokuhafa mwoove. Naava hava djuulukwa exupifo loye, alushe nava hepaulule va tye: “Kalunga Oye omunene!”

OMAPSALOME 68:3

Ndelenee ovayuki otava hafe nokunyakukwa koshipala shaKalunga, ehafo otali va kalukifa eenghalu.

OMAPSALOME 47:1

Oiwana yoilongo nye amushe, panduleni nomake! Nyakukilweni Kalunga nondaka inene.

OVATOKOLIPANGELI 5:31

“Ovatondadi voye aveshe, Omwene, osho ve nokukombwa po! Ndelenee ava ve mu hole, ove li ngaashi etango tali piti meenghono dalo.” Noshilongo sha tulumukwa omido omilongo nhee.

2 OMAFIMBO 6:41

Ndele paife: Omwene Kalunga, fikama u uye monhele yoye yetulumuko, Ove noshikefa sheenghono doye! Ovapristeli voye, Omwene Kalunga, nava kale va djalekwa exupifo, novayuki voye nava hafele ouwa woye.