OMAPSALOME 13:2 - Ombibeli Iyapuki

² Fiyo onaini ndi nokuhumbata oisho momwenyo wange, noluhodi momutima wange efiku nefiku? Fiyo onaini omuyelani wange ta ka shishimana e dule nge?

OMAPSALOME 13:2 ပူးပေါင်းရင်းမြစ်များ

NEHEMIA 2:2

Ohamba ya pula nge: “Omolwashike oshipala shoye tashi nyika oluhodi? To vele? Omutima woye tau fi oluhodi.” Ndele nda tila unene

ESTER 7:6

Ndele Ester ta ti: Omunandubo nomutondadi ou Haman, omunawii! Opo nee Haman a haluka koshipala shohamba noshomumbada.

JOB 10:15

Ngeenge ndi nombedi, woo ame! Ndele ngeenge ndimuyuki, ame nda nyengwa okuyelula omutwe wange, eshi nda kuta ohoni nokutala oluhepo lange.

OMAPSALOME 10:18

opo u yandjele ouyuki keefiye nokeehepele, paha kale vali omukwadu ta eta po etilifohaluko.

OMAPSALOME 116:3

Omiyo defyo okwa li da yula nge, noutile woshovafi owa hangelela nge; onda hangikile koupyakadi noluhodi.

OMAPSALOME 17:9

molwovakolokoshi, hava nhukile nge, nomolwovatondadi vange, hava dingilile nge.

OMAPSALOME 31:18

Omilungu doipupulu ngeno di mwenekwe, edi tadi tongo omuyuki mowii nomelinenepeko nomokudina.

OMAPSALOME 38:17

Osheshi ondi li popepi nokuteyauka eenghono, nouyehame wange opo u li alushe.

OMAPSALOME 42:4

Mokudimbulukwa oinima ya pita, ohandi tileshi omwenyo wange; onda li handi ende mosheendo shongudu inene, hatu i nayo kongulu yaKalunga, twa hafa hatu imbi nokupandula mengafifi loshivilo.

OMAPSALOME 6:4

Omwene, aluka, u mangulule omwenyo wange! Xupife nge molwefilonghenda loye!

OMAPSALOME 7:2

opo ye aha nyanyaule nge, ngaashi onghoshi tai tukaula eenhumba dange, ngeenge kape nomuxupifi.

OMAPSALOME 74:10

Akutu Kalunga, fiyo onaini hano to efa omunafundo e tu sheke, nomutondi a kale ta sheke edina loye?

OMAPSALOME 74:18

Omwene, shi dimbulukwa, omutondi eshi te ku sheke, oshiwana sha laipala, otashi dini edina loye.

OMAPSALOME 8:2

Momakanya ounona noouhanana owa dika mo eenghonopangelo molwovatondi voye opo u hanaune po omuyelani nomunanghono.

OMAPSALOME 9:6

Ovatondi ova nyonwa po, va shatwa po fiyo alushe; noilando yavo Ove we i ngumauna po sheke; okudimbulukiwa kwavo kwa xula po.

OMAYELETUMBULO 15:13

Omutima u nehafo tau yelifa oshipala, ndelenee ouyehame womutima tau nyikifa omhepo oluhodi.

OMUUDIFI 5:17

Nosho yo ha li mokukalamwenyo kwaye akushe momulaulu ndele e noluhodi lihapu. Navali okuhepekwa nehandu!

JEREMIA 15:18

Omolwashike ouyehame wange tau kalele nge alushe? Noshipute shange sha handuka, tashi anye okuveluka? Ove u li kwaame ngaashi ekungulukilo lomeva tali pwinine, ngaashi omeva itaa kalelele.

JEREMIA 45:3

Ove owa tya: Woo ame, osheshi Omwene okwa wedela nge oudjuu kouyehame wange. Ame onda loloka kokukema kwange, ndele ihandi mono nande etulumuko.

JEREMIA 8:18

Woo ame, ohandi lihekeleke nashike, eshi nda nyika oluhodi li fike apa? Nda vela komutima.

OMAIMBILOKEMO 1:5

Oonakutwondubo ova dula. Ovatondadi vasho ova hepuluka. Osheshi Omwene okwe shi nyikifa oluhodi omolwouhapu womatauluko asho. Ovana vasho ova ya moupika, va twalwa mo kovatondi vavo.

OMAIMBILOKEMO 1:9

Onyata yasho ya kanyatela kominghulo doshikutu shasho. Sha kala inashi dimbulukwa exulilo lasho nande, onghee sha hangika kenyonauko likumwifa. Sho shihe nomuhekeleki. Ota ti: “Omwene, tala oluhepo lange, osheshi omunaita naame ota fulalala.”

OMAIMBILOKEMO 5:20

Omolwashike Ove wa hala oku tu dimbwa po efimbo alishe, noku tu efa oule womafiku male?

MATEUS 26:38

Ndele okwa tya kuvo: “Omwenyo wange owa nyika oluhodi fiyo okufya, kaleni apa mu kale oupafi pamwe naame.”

LUKAS 22:53

Ame nda kala omafiku aeshe punye motembeli, nye inamu kuma nge nande eke. Ndele eli olo efimbo leni neenghono domilaulu.”

JOHANNES 16:6

Ndelenee eshi nde shi mu lombwela, onghee omitima deni tadi yadifwa oluhodi.

OVAROMA 9:2

nokutya, ondi noluhodi linene nouyehame alushe momutima wange.

OVAFILIPPI 2:27

Nokwa li a ditika, hanga a fya, ndele Kalunga okwe mu fila onghenda, nahaye aeke, naame yo, ndiha wedelwe oluhodi kulikwao.

1 SAMUEL 18:29

Saul okwa tila unene David, ndele Saul okwa ninga omutondadi waDavid omafiku aeshe.

1 SAMUEL 24:19

Osheshi umwe ngeenge te litu omutondadi waye, ote mu efa tuu a ye nondjila iwa? Ndelenee Omwene ote ke ku alulila ouwa ou we u ningila nge nena.