OMAPSALOME 128:3 - Ombibeli Iyapuki

³ Omwalikadi woye oku li ngaashi oshixwa shomuviinyu, ou hau ima nawa meni leumbo loye; ounona voye ova fa oitutumine yolumono, hava dingilile oshililo shoye.

OMAPSALOME 128:3 ပူးပေါင်းရင်းမြစ်များ

GENESIS 49:22

Josef omuti mupe tau imi, omuti mupe pofifiya. Oitai yao tai tandavele kombada yekuma.

1 OMAFIMBO 8:40

Novana ovamati vaUlam va li ovalumenhu ovaladi va shiiva okuumba; ndele vo va li ve novana vahapu novatekulu vahapu, ve fike po efele nomilongo nhano. Vo aveshe ovomovana vaBenjamin.

OMAPSALOME 127:3

Heeno, ovana ovamati ovo oshali yOmwene, nokumona oludalo osho ondjabi iwa.

OMAPSALOME 127:5

Omulumenhu omunelao ou, e va yadi ndoo monywa yaye! Vo itava fifwa ohoni, ngeenge tava kundafana novayelani moluvanda.

OMAPSALOME 144:12

Ovamati vetu meenghono dounyasha wavo ova fa eengudi domiti da kulifwa dile; oukadona vetu ove li ngaashi eengudi da ndodolwa nawa domomakuluumbo a dikikika.

OMAPSALOME 52:8

Ndele ame ondi li mongulu yaKalunga, nda fa olumono litalala; nde lineekela efilonghenda laKalunga fiyo alushe.

JEREMIA 11:16

Omwene okwe ku luka edina loye: ‘Olumono litalala la wapala li neemono da kola nawa,’ ndelenee mokupepa kwomhepo inene okwe li temena omundilo, oitai yalo oya nyonauka po.

HESEKIEL 19:10

Nyoko okwa li ngaashi omuviinyu mutalala wa twikwa pomeva. Wa ima nou yadi oitai molwomeva mahapu.

OVAROMA 11:24

Osheshi ove ngee wa kewa mo molumono lomofuka, nowa twikwa molumono liwa la tekulwa, lihe fi lomoludi loye, hano unene tuu oitai ei yopashitwe otai ka twikwa molumono lavo vene.