OMAPSALOME 127:3 - Ombibeli Iyapuki

³ Heeno, ovana ovamati ovo oshali yOmwene, nokumona oludalo osho ondjabi iwa.

OMAPSALOME 127:3 ပူးပေါင်းရင်းမြစ်များ

GENESIS 1:28

Ndele Kalunga okwe va nangeka noupuna, nokwe va lombwela: “Dalafaneni nokuhapupala ndele yadifeni edu, lo nali kale mepangelo leni, ndele pangeleni oinamwenyo yomefuta needila dokeulu noinamwenyo aishe tai linyenge kombada yedu.”

GENESIS 24:60

Ndele vo ova nangeka noupuna Rebeka ndele tava ti kuye: “Omumwameme, mwoove namu dalwe omayovi omilongo, noludalo loye nali nangale moshivelo shovanaita naave.”

GENESIS 33:5

Hano Esau eshi a yelula omesho aye ndele ta mono ovalikadi novana, okwa pula ta ti: “Ovo oolyelye ve li pamwe naave?” Ndele Jakob okwa nyamukula ta ti: “Ovo ovamwange, ava Kalunga konghenda yaye a pa omupiya woye.”

GENESIS 4:1

Ndele Adam okwa nangala nomwalikadi waye Eva, ndele ye ta ningi oufimba ndele ta dala Kain, ndele ta ti: “Ame onde limonena omulumenhu kekwafo lOmwene.”

GENESIS 48:4

ndele okwa lombwela nge ta ti: ‘Tala, Ame ohandi ke ku dalifa oludalo ndele handi ku hapupalifa ndele to ningi eemhunga doiwana, noludalo loye ohandi li pe edu eli, li ninge lavo fiyo alushe.’

2 SAMUEL 3:5

Nomutihamano oJitream, ina Egla, omwalikadi waDavid. Vo ova dalelwa David muHebron.

1 OMAFIMBO 28:5

Ndele movana vange ovalumenhu, osheshi Omwene a pa nge ovana vahapu vovamati, okwa hoolola mo Salomo, a kale omutumba kolukalwapangelo louhamba wOmwene okupangela Ovaisraeli aveshe.

1 OMAFIMBO 8:40

Novana ovamati vaUlam va li ovalumenhu ovaladi va shiiva okuumba; ndele vo va li ve novana vahapu novatekulu vahapu, ve fike po efele nomilongo nhano. Vo aveshe ovomovana vaBenjamin.

JOB 1:2

Nokwa dalelwa ovana vaheyali ovamati novana vatatu oukadona.

JESAJA 13:18

Ndelenee omauta otaa tetaula ovamati, ndele vo itava ka fila onghenda ounona vomomadimo noitava file ounona onghenda.

JESAJA 8:18

Ofye novamwange ava Omwene e va pa nge, ofye omadidiliko noikumwifa yaKalunga muIsrael, oyaKalunga komatanga ovakwaita, ou ha kala komhunda yaSion.

DEUTERONOMION 28:11

NOmwene ote ke ku pa ouwa tau xungile moludalo loye nomoludalo loimuna nomoludalo lomapya moshilongo, Omwene e shi udanekela ooxo nokwaana, opo e shi ku pe.

DEUTERONOMION 28:4

“Oludalo lolutu loye, noiimati yomepya loye, noludalo leengobe doye noludalo leedi doye tali ka kala la nangekwa noupuna.

OVATOKOLIPANGELI 12:9

Ye okwa li e novana ovamati omilongo nhatu ndele a hombolifa ovana vaye oukadona koilongo omilongo nhatu, nokwa kongela ovana vaye ovamati oukadona omilongo nhatu koilongo. Ndele a pangela Israel omido heyali.

1 SAMUEL 1:27

Okaana aka okamati onde ka indila kOmwene, nOmwene okwa pa nge eshi nde shi mu indila.