OMAPSALOME 127:2 - Ombibeli Iyapuki

² Okumeneka kweni ongula, nokuxunguluka moilonga oufikufiku, okwongaho, eshi tamu li eendja deni noshisho. Ovaholike vaye ohe di va pe mokukofa kwavo.

OMAPSALOME 127:2 ပူးပေါင်းရင်းမြစ်များ

JOB 11:18

Ove u nelineekelo, shaashi u neteelelo. Ove to lengaalenga ndele to ka nangala nombili.

OMAPSALOME 3:5

Onda li nda nangala, nda kofa nawa, opo nee nda penduka; osheshi Kalunga oha amene nge.

OMAPSALOME 4:8

Onda hala okunangala nombili nohandi kofa nawa, osheshi Oove, Omwene, to tula nge nawa, ndihe nombudi.

OMAPSALOME 60:5

Tu kwafa nolulyo loye, ovaholike voye fye, opo tu xupifwe; tu uda.

OMAYELETUMBULO 10:22

Enangeko noupuna lOmwene, olo tali likolifa, noshilonga shidjuu itashi wedele ko sha.

OMUUDIFI 1:14

Ame nda tala oilonga aishe oyo tai ningwa koshi yetango, ndele tala, oyo aishe oyongahoelela nokushikula omhepo.

OMUUDIFI 4:8

oku na umwe, ye aeke ti, ehe nomukwao, ehe nomona omumati ile omumwaina omulumenhu; ndelenee oupyakadi waye itau xulu po, nomesho aye itaa kuta oupuna. Hano ame ohandi lihepekele lyelye ndele handi lihepekifa nokulumbula omwenyo wange ouwa? Osho yo shongahoelela noshinima shii.

OMUUDIFI 5:12

Eemhofi domulongi odo ditalala, nande ta li shinini ile shihapu; ndelenee oshipuna tashi nyengwa okukofa molwouyadipuna washo.

OMUUDIFI 6:7

Oupyakadi aushe womunhu otau ningilwa okanya kaye, ndelenee ouhalu waye itau mono ekuta.

JEREMIA 31:26

Opo nda duduluka nonda pashuka nokukofa kwange, nde ku tala kunyenye.

HESEKIEL 34:25

Ndele Ame ohandi ka ninga ehangano lombili navo, noilyani ohandi ke i taataa mo moshilongo, ndele vo otava ka kala mofuka vehe na mbudi nokunangala momufitu.