OMAPSALOME 100:2 - Ombibeli Iyapuki

² Longeleni Omwene nokuhafa! Holokeni koshipala shaye nokukuwilila.

OMAPSALOME 100:2 ပူးပေါင်းရင်းမြစ်များ

1 EEHAMBA 8:66

Mefiku etihetatu ye okwa lekela ovanhu, ndele vo ova nangeka noupuna ohamba ndele va ya komatwali avo, nokuhafa nokushambukwa meemwenyo omolwoinima aishe iwa Omwene a ningila omupiya waye David noshiwana shaye Israel.

2 OMAFIMBO 29:30

Opo nee ohamba Hiskia novakulunhu va lombwela Ovalevi va hambelele Omwene neendjovo daDavid nodaAsaf, omumonikokule. Ndele va hovela nehafo eimbilo lehambelelo ndele ve linyongamena ndele tava ilikana.

2 OMAFIMBO 31:2

Ndele Hiskia okwa tula po eengudu dovapristeli nodOvalevi paengudu davo, pashilonga shakeshe umwe ngeenge paupristeli ile paulevi, okuyakula nokupandula nokuhambelela poivelo yonhanda yOmwene fimbo omaxwikiloyambo nomapanduloyambo taa yambwa.

OMAPSALOME 42:4

Mokudimbulukwa oinima ya pita, ohandi tileshi omwenyo wange; onda li handi ende mosheendo shongudu inene, hatu i nayo kongulu yaKalunga, twa hafa hatu imbi nokupandula mengafifi loshivilo.

OMAPSALOME 71:23

Omilungu dange nadi twe eenghalu noku ku imbila kwange, nosho yo omwenyo wange, ou wa kulila.

OMAPSALOME 95:2

Tu holokeni koshipala shaye nokupandula, fye tu mu tanheleni nomaimbilo ehambelelo.

DEUTERONOMION 12:12

Ndele kaleni nokunyakukwa koshipala shOmwene Kalunga keni, nye vene novana veni ovamati novana veni oukadona, novapika veni ovalumenhu novakainhu nOmulevi ou ta kala peenhu deni, osheshi ye ke na oshitukulwafyuululwa pamwe nanye.

DEUTERONOMION 16:11

ndele ove u nokunyakukwa koshipala shOmwene Kalunga koye, ove nomona woye omumati nomona woye okakadona nomupika woye omulumenhu nomukainhu nOmulevi ou e li peenhu doye nomunailongo nofiye nomufiyekadi, ava ve li pwoove, monhele tuu oyo Omwene Kalunga koye ta ka hoolola, opo edina laye li kale ko.

DEUTERONOMION 16:14

Ndele ove u nokunyakukwa moshivilo shoye, oove mwene nomona woye omumati nomona woye okakadona nomupika woye omulumenhu nomukainhu, nOmulevi nomunailongo nofiye nomufiyekadi, ava ve li peenhu doye.

DEUTERONOMION 28:47

Ove eshi ino longela Omwene Kalunga koye nehafo nonenyakuko lomutima pefimbo linya wa li u noshishipo,

OVAFILIPPI 4:4

Hafeni alushe mOmwene! Navali handi ti: Hafeni!