1 Edu alishe ove, nyakukilwa Omwene!
Onda hala ndi ku fimaneke, Kalunga kange, ohamba, nokutanga edina loye alushe fiyo alushe.
Ovayuki nye, hafeleni mOmwene, nye kalukeni eenghalu, nyakukweni pombada, amushe nye ovayuki momutima.
Oiwana yoilongo nye amushe, panduleni nomake! Nyakukilweni Kalunga nondaka inene.
Kalunga okwa londa kolukalwapangelo laye nokunyakukilwa, Omwene a ya koshipundi shaye mendudumo lomanghuma.
Edu alishe, kuwilila Kalunga!
Oilongo aishe oi nokulinyongamena kwoove noku ku imbila, nokwiimbila edina loye ehambelelo.” Sela
Omaludi nomaludi naa hafe nokukuwilila, molwaashi to tokola oiwana nouyuki, noto kwatele omaludi kombada yedu komesho. Sela
Akutu omauhamba nye kombada yedu, imbileni Kalunga, imbileni Omwene ehambelelo. Sela
Edu alishe, kuwilila Omwene, hoveleni okunyakukwa, nye mu shike ouxumbafeta.
Akutu omona okakadona Sion, nyakukwa, ove Israel kuwilila! Nyakukwa ove u kuwilile nomwenyo aushe, omona okakadona Jerusalem.
Ndele Omwene ta ka kala ohamba kombada yedu alishe. Mefiku tuu olo Omwene ota ka kala umwe, nedina laye limwe.
Ndele eshi a fika popepi, ndele tava kulukile ekulukila lOmhunda yEemono, ongudu aishe yovalongwa oya hovela okuhambelela Kalunga nehafo nondaka inene, ve mu hambelelela oilonga aishe yeenghono ve i mona,
Ndele vali omushangwa otau ti: “Hafeni, onye oiwana yovapaani pamwe novanhu vaye.”
“Kuwilileni nye oiwana, molwoshiwana shange, osheshi Ye ota ka pula ohonde yovapiya vaye, ndele ta ka handukila ovatondi vaye nokukwatakanifa oshilongo shaye noshiwana shaye.”
