OMAPSALOME 1:3 - Ombibeli Iyapuki

³ Ndele ye ota ka kala ngaashi omuti, ou wa twikwa pomatondokelo omeva ndele tau imifa oiimati yao pefimbo lao, nomafo ao ihaa lembe. Naashishe eshi ta ningi, osha fewa.

OMAPSALOME 1:3 ပူးပေါင်းရင်းမြစ်များ

GENESIS 39:23

Omukulunhu wodolongo okwa li ehe na ko nasha noinima ei ya kala mepangelo laJosef, shaashi Omwene okwa li pamwe naye. Ndele keshe eshi sha longwa kuye Omwene okwe shi nangeka noupuna.

GENESIS 39:3

Ndele omwene waye okwa mona nokutya, Omwene a kala naye nokwe mu wapalekifa keshe eshi e shi longa.

2 EEHAMBA 18:7

NOmwene a kala pamwe naye. Keshe apa a ya, ye okwa li e nelao. Ndele ye okwe liteeka ohamba yaAsiria, ndele ine i longela vali.

1 OMAFIMBO 22:11

Paife hano omumwange, Omwene na kale naave, u kale nelao mokutunga ongulu yOmwene Kalunga koye, ngaashi e ku xunganeka.

1 OMAFIMBO 22:13

Opo nee to ka kala omunelao ngeenge to diinine shili eenghedimhango nomalombwelo aa Omwene e a lombwela Moses molwOvaisraeli. Kala wa pama u nonyati! Ino tila ndele ino mbadapala!

2 OMAFIMBO 31:21

Naashishe, osho e shi ninga mokukonga Kalunga kaye, ngee oshilonga shongulu yaKalunga ile omhango ile oipango, ye e shi ninga nomutima aushe, nokwa li e nelao.

2 OMAFIMBO 32:23

Ndele vahapu va etela Omwene muJerusalem eeshali neeshali di nondilo kuHiskia, ohamba yaJuda, onghee ye a tumbalekwa moipafi yoiwana aishe.

JOB 14:9

ndelenee okedimba lomeva otau tutuma vali ndele tau twiyuka oitai ngaashi onhwika italala ya twikwa.

JOB 22:28

Keshe osho to shi diladila, u shi ninge, oto ke shi shakenifa yo, eendjila doye tadi minikilwa.

OMAPSALOME 128:2

Eshi we lilongela nomake oye, osho oshikongwa shoye shili, ou nelao, to kala nawa.

OMAPSALOME 129:8

naava tava ende po, itava ti nande: “Epuniko laKalunga nali uye kombada yeni. Fye ohatu mu nangeke noupuna medina lOmwene.”

OMAPSALOME 92:14

vo nande nava kulupe, otava imike natango oiimati, omiti ditalala da twiyauka omafo,

OMAPSALOME 92:15

vo va kale tava udifa, nokutya Kalunga Oye omuyuki, emanya lange, muye kamu na nande oushima.

JESAJA 27:11

Oitai ngeenge ya kukuta otai tyavwa, ovakainhu otave uya ndele tava shakala omundilo; shaashi ovanhu ava vehe na omayele, onghee Omushiti wavo ite va file onghenda, naau e va ma, ite va etele olukeno.

JESAJA 3:10

Tongeni omuyuki nokutya, oye ota ka kala nawa, shaashi vo otava ka lya oiimati yoilonga yavo.

JESAJA 44:4

opo va mene ngaashi omwiidi nongaashi omimbalandongo pomatondokelo omeva.

JESAJA 58:11

Ndele Omwene ote ku endifa alushe, ota kutifa omwenyo woye meenhele dihe nomeva, ndele ta pameke omakipa oye, ndele to ka kala ngaashi oshikunino shitalala sha tekelwa shili, ngaashi ofifiya ihai pumbwa nande omeva.

JEREMIA 17:8

Osheshi ota ka kala ngaashi omuti wa twikwa pomeva, nomidi dao otau di twala komatondokelo omeva; ou itau tila, nande nau hangike koluteni, nomafo ao otaa kala a hapa, kau noshisho shomudo woluteni nongaashi ihau kuka.

HESEKIEL 17:8

Sho osha twikwa medu liwa pomeva mahapu, opo shi twiyuke nokwiima, shi ninge omuviinyu wa wapala.

HESEKIEL 19:10

Nyoko okwa li ngaashi omuviinyu mutalala wa twikwa pomeva. Wa ima nou yadi oitai molwomeva mahapu.

HESEKIEL 31:5

Onghee hano oo wa kula unene u dule omiti adishe domomuulu, noitai yao ya hapupala noitai ya tandavela noya lepala molwomeva manene.

HESEKIEL 47:12

Ndele pomulonga pominghulo adishe mbali omiti di lili nadi lili tadi ka ima oiimati hai liwa. Omafo ado itaa ka lemba noiimati ihai kuka. Mohani keshe tadi ka ima oiimati ipe, osheshi omeva ado taa di motembeli. Noiimati yado tai ka liwa nomafo ado okuvelula.”

NUMERI 24:6

Ngaashi omafilulonga taa tandavele kokule, nongaashi oikunino pomulonga, nongaashi omiti daaloe da twikwa kOmwene, heeno, ngaashi omisederi pomeva.

MATEUS 13:6

Ndelenee etango eshi la pita oda lemba, ndele eshi da li dihe na omidi oda kukuta.

MATEUS 21:19

Ndele a mona omukwiyu pondjila nokwa ya kuwo, ndele ina mona mo sha, omafo aeke; ndele ta ti kuwo: “Ku ima vali oiimati fiyo alushe.” Omukwiyu owa fya diva.

MATEUS 21:34

Ndele eeviinyu eshi da hola, okwa tuma ko ovapiya vaye kovalongi vepya va ka tambule oiimati ei e nokupewa.

MATEUS 21:41

Ovo va tya kuye: “Ovakolokoshi ovo ote va nyonauna po nai nepya lomiviinyu ote li pe ovalongi vamwe, ovo tave mu pe oiimati opefimbo tuu layo.”

JOHANNES 15:6

Ou ita kala mwaame, oye ota ekelwashi ngaashi oshitai, ndele tashi kukuta; oyo tai ongelwa ndele tai ekelwa momundilo ndele tai pile mo.

DEUTERONOMION 28:8

“Omwene ta lombwele enangeko noupuna li ku shikule momaanda nomwaaishe ho tula eke loye. Ye ote ku nangeke noupuna moshilongo osho Omwene Kalunga koye te ke ku pa.

JUDAS 1:12

Moivilo yeni yohole ovo omalopyolopyo ohoni vehe na ouxwenge mokulya nanye nokuxwaka. Ovo va fa oilemo ihe nomeva tai tewatewa komhepo, ovo va fa omiti dopokufu da yaumuka, dihe noiimati, ya fya luvali, va dudwa mo nomidi.

EHOLOLO 22:2

Mokati kepandavanda lasho nopominghulo adishe mbali domulonga opa kala omuti womwenyo, ou hau ima lwomulongo naluvali ndele tau eta oiimati yao keshe ohani; nomafo oo okuvelula oiwana.