OMAPSALOME 1:2 - Ombibeli Iyapuki

² ndelenee ha hokwa omhango yOmwene noku i diladila omutenya noufiku.

OMAPSALOME 1:2 ပူးပေါင်းရင်းမြစ်များ

GENESIS 24:63

Ndele Isak okwa ya a ka endaenda komaalala etango longuloshi. Ndele ye eshi a yelula omesho aye okwa mona eengamelo tadi uya.

ESRA 7:10

Osheshi Esra a paka omutima waye mokukonakona omhango yOmwene noku i shikula nokulonga Ovaisraeli eenghedimhango nomalombwelo ayo.

JOB 23:12

Inandi kanduka mo moshipango shomilungu daye. Eendjovo dokanya kaye nde di diinina komesho yomhangela yange.

OMAPSALOME 104:34

Eshipululo lange nali mu wapalele. Ohandi hafele mOmwene.

OMAPSALOME 112:1

Halleluya! Omulumenhu omunelao ou ha tila Omwene, ndele ta hokwa shili oipango yaye.

OMAPSALOME 119:1

Ovanelao ovava, ve nondjila ya yuka, ndele tava ende pamhango yOmwene.

OMAPSALOME 119:11

Ondjovo yoye onde i tuvikila momutima wange, ndiha nyone kwoove.

OMAPSALOME 119:35

Endife nge melila loipango yoye, osheshi onda hokwa mo.

OMAPSALOME 119:72

Omhango yokanya koye oya wapalela nge, i dule oitetela yoingoldo noisiliveli omayovi nomayovi.

OMAPSALOME 119:92

Omhango yoye ngeno kaya li ehafo lange, ngeno nda xula po molufifihepo lange.

OMAPSALOME 40:8

Kalunga kange, okuwanifa ehalo loye, osho otashi nyakula nge, nomhango yoye oyo ya nyolelwa moule womwenyo wange.”

OMAPSALOME 88:1

Omwene, Kalunga kexupifo lange, omutenya aushe ohandi ku ifana, noufiku ohandi ingida mokule koshipala shoye.

JEREMIA 15:16

Eendjovo doye oda hanga nge, ame onde di lya nde di pona. Ndele eendjovo doye oda li kwaame enyaku nehafo lomutima wange, osheshi ame onda lukilwa edina loye, Omwene, Kalunga komatanga ovakwaita.

LUKAS 18:7

Hano Kalunga ita yukifile mbela ovahoololwa vaye oshinima shavo ava have mu ifana pombada omutenya noufiku ye a fye ounye ngeno oku va kwafa?

LUKAS 2:37

ndele pefimbo olo okwa li omufiyekadi e nomido omilongo hetatu nanhee. Ye ina dja mo nandenande motembeli, ndelenee okwa longela mo Kalunga oufiku nomutenya nokulidilika nokwiilikana.

OVAROMA 7:22

Shaashi kombinga yomunhu ou womeni onda dimina nehafo omhango yaKalunga,

1 OVATESSALONIKI 2:9

Ovamwatate nye, ndishi omwa dimbulukwa oilonga yetu noudjuu wetu, nokulonga nomake omutenya noufiku, tuha etele nande umwe mokati keni oudjuu, eshi twe mu udifila evaengeli laKalunga.

1 TIMOTEUS 4:15

Aishe ei i diinina, ove u kale muyo, opo okweehena kwoye komesho ku monike kwaaveshe.

2 TIMOTEUS 1:3

Ame ohandi pandula Kalunga, ou handi mu longele, nghee sha dja kootatekulu neliudo la yela, ngaashi ihandi efa oku ku dimbulukwa momailikano ange oufiku nomutenya

JOSUA 1:8

Embo lomhango ei iha dje mo mokanya koye, ndelenee i konakona omutenya noufiku, opo u shiive okuwanifa naanaa ashishe eshi sha shangelwa mo. Osheshi osho ove to ka kala u nelao meendjila doye ndele oto kala nouwa.

1 JOHANNES 5:3

Osheshi ohole yokuhola Kalunga oyo tuu ei nokutya, tu diinine oipango yaye. Noipango yaye kai fi idjuu.