OMAIMBILOKEMO 4:9 - Ombibeli Iyapuki

⁹ Ava va dipawa keongamukonda, ovanelao, ve dule ava va fya kondjala; ava va pundila po va fa va tuwa, osheshi vehe noiliwa yomepya.

OMAIMBILOKEMO 4:9 ပူးပေါင်းရင်းမြစ်များ

2 EEHAMBA 25:3

Mefiku etimugoi lohani onhine, ondjala eshi ya ninga inene moshilando novanhu vomoshilongo vehe na vali omungome,

EXODUS 16:3

NOvaisraeli ve va lombwela tava ti: “Ngeno twa file muEgipiti keke lOmwene, fimbo twa kala omutumba peembiya dombelela ndele twa lile omingome da wana! Ndelenee onye mwe tu eta kombuwa tuu ei, opo eongalo alishe eli linene li fye kondjala.”

JESAJA 22:2

oove oshilando shi yadi elinyengaanyengo, tashi kuyunguta, oove omukunda wehafotanho! Oonakudipawa voye inava fya keongamukonda noinava fila moita.

JEREMIA 16:4

Otava ka fila momaudu okufya, itava lilwa eenghali noitava pakwa. Otava ningi oushosho womedu. Otava ka pwa po keongamukonda nokondjala, noimhu yavo otai ningi eendja deedila dokeulu nodoifitukuti.

HESEKIEL 24:23

Ndele embale leni tali ka kala komitwe deni neenghaku deni okeemhadi deni. Nye itamu ka kema ile mu lile, ndelenee nye tamu ka ngonopala molwoulunde weni nokutula oshenyo poshi omunhu nomunhu.

HESEKIEL 33:10

Ndele oove, kaana komunhu, lombwela eumbo laIsrael u tye: “Nye omwa tile ngaha: ‘Oshili, omatauluko etu nomatimba etu oku li kombada yetu, onghee hano hatu loloka mondjila yetu. Ohatu dulu ngahelipi okukala tu nomwenyo?’

HESEKIEL 4:16

Ndele Ye okwa lombwela nge vali: “Kaana komunhu, tala, ohandi teya po ekwafelo lomungome muJerusalem, ndele vo otava ka lya omungome pandjele nokunyika oufiye nokunwa omeva pandjele nokutumhauka omaxwilili.

HESEKIEL 7:15

“Eongamukonda oli li pondje noudu wolutapo nondjala i li meni. Ou a hangika moixwa, ta ka fya keongamukonda; ndele ou a hangika moshilongo ta ka nyonwa po kondjala nokoudu u nolutapo.

LEVITIKUS 26:39

Ndele ava tava ka xupa po mokati keni otava ka fila mo moilongo yovatondadi veni molwokuhenouyuki kwavo, heeno, okufya omolwokuhenouyuki wooxe pamwe navo.

DEUTERONOMION 28:51

ndele vo otava ka lya oludalo loimuna yoye noiimati yomepya loye fiyo ove wa xula po. Vo itave ku fiile nande oilya, omaviinyu ile omaadi, eenhana deengobe doye ile oudjona veedi doye, fiyo vo ve ku mana po.