OMAIMBILOKEMO 2:4 - Ombibeli Iyapuki

⁴ Okwa shila outa waye ngaashi omutondadi. Okwa kala ofika eke laye la yeluka ngaashi omunaita, ndele okwa dipaa po keshe eshi sha li sha wapalela omesho ometwali lomona okakadona kaSion. Oupyuhandu waye okwe u tila ngaashi omundilo.

OMAIMBILOKEMO 2:4 ပူးပေါင်းရင်းမြစ်များ

2 OMAFIMBO 34:21

“Indeni mu ka pule kOmwene molwange nomolwaava va xupa po muIsrael nomuJuda, omolweendjovo domembo eli la monika. Osheshi oupyuhandu wOmwene ou wa tilwashi kombada yetu munene, shaashi ootate inava diinina ondjovo yOmwene, va ende mwaashishe sha shangwa membo eli.”

2 OMAFIMBO 34:25

Osheshi mwe liteeka nge ndele mwa twiminina oikalunga imwe, mu handukife nge noilonga yeni aishe yomake eni, onghee hano oupyuhandu wange tau ka tilwashi kombada yonhele ei, ndele itau ka dimwa po.

JOB 19:11

Ehandu laye e li efela nge li xwamene nge, nokwa tala nge ame omutondadi waye.

JOB 6:4

Osheshi oikuti yOmunaenghono adishe i li mwaame, omhepo yange ya nwa oudiyo womuyo. Omatilifo aKalunga taa fininike nge.

OMAPSALOME 37:14

Ovahenakalunga otava pweya mo omikonda, ndele tava shoneke omauta avo, va wilife po omapongo nomawilandjila, nova dipae ava, tava ende nouyuki.

OMAPSALOME 7:13

Ye ota longekida oilongifo yefyo; oikuti yaye oyo oilwifo ya xwama.

JESAJA 42:25

Opo nee Ye a tilila oupyuhandu waye kombada yavo nolwoodi lidjuu. Ola xwama, le va dingilila keembinga adishe, ndele vo inave li dimbulukwa nande, ole va xwika, ndelenee inave li itavela momitima.

JESAJA 63:10

Ndelenee vo ove mu twila ondubo ndele va nyikifa Omhepo yaye Iyapuki oufiye, onghee Ye okwe lishitula omunaita navo, ndele Ye mwene okwe va lwifa.

JESAJA 63:6

Ndele Ame nda lyataula oiwana mehandu lange nonde va kolwifa moupyuhandu wange; nohonde yavo onde i tilashi medu.

JEREMIA 10:20

Ofaila yange oya teywa po neengodi adishe dofaila yange da tokolwa, ovamwange va tembuka po pwaame, kave po vali. Kape nomunhu ta diki ofaila yange ye a yale ofaila yofaila yange.

JEREMIA 21:12

Eumbo laDavid! Omwene osho ta ti: ‘Ongula keshe tokoleni omatokolo a yuka, xupifeni onakunyekwa meke lomuhepeki, opo ehandu lange liha teme ngaashi omundilo ndiha xwame molwowii woilonga yeni, ndele puha kale omudimi.’

JEREMIA 21:5

Ndele Ame mwene ohandi ke mu lwifa neke la yeluka nokwooko ku neenghono; heeno, mehandu nomexwamo linene lehandu.

JEREMIA 30:14

Ovaholike voye aveshe ove ku dimbwa. Vo itave ku pula vali. Osheshi Ame onde ku denga ngaashi omutondadi ta dengwa nehandukilo lidjuu, osheshi okunyona kwoye okunene nomatimba oye omahapu.

JEREMIA 36:7

Kashiimba mokwiilikana nokulinyongamena kOmwene tava ka ilikana, keshe umwe te lialuluka kondjila yaye ii. Osheshi ehandu laye noupyuhandu waye udjuu, Omwene a hala okuhandukila ovanhu ava.”

JEREMIA 4:4

Lipitifileni Omwene etanda nye mu ekeleshi onyata yokomutima, onye ovalumenhu Ovajuda nOvajerusalem, oupyuhandu wange opo uha xwame ngaashi omundilo wa xwama, uhe shi kudimwa, omolwowii woilonga yeni.

JEREMIA 42:18

“Osheshi Omwene womatanga ovakwaita, Kalunga kaIsrael ota ti ngaha: ‘Ngaashi ehandu lange noupyuhandu wange wa tililwa kombada yoonakukalamo muJerusalem, osho yo oupyuhandu wange otau ka tililwa kombada yeni, ngeenge tamu i kuEgipiti. Ndele nye otamu ka ninga efingo noshitondifa nondjovo yefingano nelengaifo, ndele itamu ka mona vali onhele ei.’

JEREMIA 7:20

Onghee hano Omwene Kalunga ota ti: “Tala, okuhanduka kwange noupyuhandu wange otau ka paukila onhele ei, kombada yovanhu noyoinamwenyo, kombada yomomiti domomapya nokombada yoiimati aishe yomoshilongo; otau xwama, ndelenee itau dimi.”

OMAIMBILOKEMO 1:13

Momakipa ange ye okwa tumina omundilo wa dja pombadambada mokule, ndele ou otau a pangele. Neemhadi dange okwe di yalela eendjadja okwa kandwila nge monima, a tokeka nge nokwa ninga nge omunaudu fiyo alushe.

OMAIMBILOKEMO 2:5

Omwene okwe lininga ngaashi omutondadi, Ye okwa pona po Israel; eengulu doupuna adishe okwe di pona po, eehotengulu okwe di ngumauna po. Ndele okwa hapupalifa okulila nokukema kwomona okakadona kaJuda.

OMAIMBILOKEMO 3:3

Heeno, efimbo alishe ta pilulile nge eke laye, heeno, efiku alishe.

OMAIMBILOKEMO 4:1

Akutu, oshingoldo osha laula ngahelipi, oshingoldo shiwa sha shituka, omamanya mayapuki okwa ekelwashi momashakeneno omapandavanda aeshe!

OMAIMBILOKEMO 4:11

Omwene okwa wanifa oupyuhandu waye nokwa tilashi ehanyo lehandu laye, ndele a temena muSion omundilo, oo wa lungwinifa po omikangha dasho.

HESEKIEL 13:13

Onghee hano, Omwene Kalunga ta ti ngaha: “Ame mehandu lange handi tumu oshikungulu, nodula inene yetilashi tai ke uya mehandu lange neemhawe moupyuhandu wange okuteyaula po shekesheke.

HESEKIEL 20:34

Ndele Ame ohandi ke mu pitifa mo moiwana nohandi mu kongolola moilongo mwa halakanifilwa mo, Ame ohandi ke shi ninga neke li neenghono nokwooko kwa nanwa noupyuhandu wa tilwashi.

HESEKIEL 22:22

Ngaashi oshisiliveli tashi hemunwa meleva, nosho yo nye otamu ka hemunwa. Ndele tamu ka shiiva nokutya, Aame Omwene, nda tilashi oupyuhandu wange kombada yeni.”

HESEKIEL 24:25

Omwene okwa tya: “Ndee oove, kaana komunhu! Mefiku tuu olo, Ame ohandi ka kufa po ohotengulu yavo, ehafo linene lavo nouhokwe womesho avo, nodjuulufi yeemwenyo davo, novana vavo ovamati noukadona,

HESEKIEL 36:18

Onghee hano nda tilashi oupyuhandu wange kombada yavo, omolwohonde ve i tilashi moshilongo shavo, fimbo ve linyateka noikalunga yavo.

HESEKIEL 5:13

Osho hano ehandu lange tali fikifwa po, ndele handi ka wanifa oupyuhandu wange muvo, nohandi ke va handukila. Ndele otava ka shiiva, nokutya Ame, Omwene nda popya mouladi wange, eshi handi wanifa oupyuhandu wange muvo.

HESEKIEL 6:12

Ou e li kokule ota ka fila moudu u nolutapo. Naau e li popepi ota ka ungulwa keongamukonda. Naau a xupa nokwa amenwa, ota ka fya kondjala. Osho ngaha ohandi ka wanifa ehandu lange muvo.

HESEKIEL 7:14

Enghuma tali shikwa, naashishe tashi longekidwa, ndelenee kape na nande umwe ta fikama a ka homone. Osheshi ehandu lange tali uya kombada yongudu aishe tai uyaana.

LEVITIKUS 26:17

Ndele oshipala shange Ame ohandi ke shi mu taalelifila nehandu, opo nye mu tewatewe kovatondadi veni. Novatondadi veni tave ke mu pangela, ndele nye otamu ke litwala onhapo nande pehe na ou te mu taataa.

NAHUM 1:2

Omwene Oye Kalunga omuladi nomukongololi, heeno, Omwene Ye omukongololi, e yadi oupyuhandu. Omwene Ye omukongololi kovatondi vaye, ndele ta diinine ehandu laye kovatondadi vaye.

NAHUM 1:6

Olyelye ta shiiva okukala ofika moipafi youpyuhandu waye? Olyelye ta kalele ehanyo lehandu laye? Exwamo lehandu laye tali ka tilwashi ngaashi omundilo, nomamanya taa topaana koshipala shaye.

DEUTERONOMION 32:22

Osheshi omundilo wa tema mehandu lange, ndele tau ka xwama fiyo omoshovafi shokoshi, ndele tau ka lungwinifa edu alishe nouyadi walo ndele tau ka tema omakanghameno eemhunda.

1 SAMUEL 28:16

Ndele Samuel ta ti: “Ndelenee omolwashike to pula nge, fimbo Omwene e ku efa nokwa ninga omutondadi woye?