NUMERI 9:14 - Ombibeli Iyapuki

¹⁴ “Nomunailongo ou ha kala punye, ngeenge a hala okudana Opaasa yOmwene, ye e noku i dana panghedimhango yaPaasa nopalombwelo layo. Yo onghedimhango imwe aike kovanailongo novadalelwamo moshilongo.”

NUMERI 9:14 ပူးပေါင်းရင်းမြစ်များ

ESRA 6:21

Novana vaIsrael ava va aluka va dja moukwatwa, ove i lya, nosho yo aveshe ovo ve liyelifa keenyata doiwana yomoshilongo, va konge Omwene Kalunga kaIsrael pamwe navo.

EXODUS 12:43

Ndele Omwene okwa lombwela Moses naAron, ndele ta ti: “Oyo onghedimhango yaPaasa. Omunailongo nande umwe aha lye odi yaPaasa.

EXODUS 12:47

Eongalo alishe laIsrael li noku i fimaneka.

LEVITIKUS 19:10

Moshikokola shoye shomiviinyu ino shi yeleka mokuteya; neeviinyu tadi wile poshi komuviinyu woye, ino di toola po. U noku di fiila po ovakwanaluhepo novanailongo. Aame Omwene, Kalunga keni.

LEVITIKUS 22:25

ndele meke lomunailongo inamu lilandela oinamwenyo ya tya ngaha mu i etele Kalunga keni ngaashi eendja, osheshi yo inai wapala, oi noshipo. Omolwayo nye itamu ka wapalela Omwene.”

LEVITIKUS 24:22

Omhango imwe aike nai kale munye. Omunailongo na talwe ngaashi omudalelwa moshilongo, osheshi Aame Omwene Kalunga keni.”

LEVITIKUS 25:15

Pamuvalo womido tadi shikula omudo wekuwililo ove u nokufuta komukweni. Pakuvalwa kwomido deteyo ye na pewe kwoove ofuto.

NUMERI 15:15

Onghedimhango imwe aike yeongalo noyeni noyovanailongo ava hava kala mokati keni. Oyo onghedimhango yaalushe momaludalo eni: ngaashi nye osho yo omunailongo e nokukala koshipala shOmwene.

NUMERI 15:16

Omhango imwe nonghedi yeyukifilo limwe kunye nokomunailongo ha kala punye.”

DEUTERONOMION 29:11

ovana veni, ovalikadi veni, nomunailongo, ou ta kala meni lonhanda yoye, omutyavi woikuni yoye nomuteki woye womeva,

DEUTERONOMION 31:12

Ongela oshiwana, ovalumenhu novakainhu nounona nomunailongo woye, ou e li peenhu doye, opo va shiive okuuda nokulongwa okutila Omwene Kalunga keni nokudiinina shili eendjovo adishe domhango ei.