NUMERI 8:7 - Ombibeli Iyapuki

⁷ Opo u va fetife u nokuninga navo ngaha: va shamina omeva okufeta po omanyonauno. Vo ove nokulikululifa noshimbi olutu alishe nokukosha oikutu yavo nokulifeta voovene.

NUMERI 8:7 ပူးပေါင်းရင်းမြစ်များ

GENESIS 35:2

Jakob okwa lombwela eumbo laye naaveshe ava va li pamwe naye ndele ta ti: “Ekeleishi oihongwakalunga yokoilongo, ei mu kwete mokati keni, lifeteni nye mu djale oikutu imwe.

OMAPSALOME 51:2

Koshe nge owii wange, ndi koshoke, Ove u fete po etimba lange.

OMAPSALOME 51:7

Koshe nge naisopi, opo ndi yele; koshe nge ndi yele, ndi dule outokele weemhawe.

EXODUS 19:10

Omwene okwa lombwela vali Moses ndele ta ti: “Inda kovanhu u va yapule nena nomongula, nava koshe oikutu yavo,

JESAJA 52:15

osho ta ka kumwifa oiwana ihapu, eehamba otadi ke likwata komilungu, da kumwa. Osheshi eshi inave shi hepaululilwa, otave shi mono. Naashi inave shi uda otave ke shi shiiva.

JEREMIA 4:14

Feta po owii wokomutima woye, ove u yele, Jerusalem, opo u shiive okuxupifwa. Fiyo onaini omadiladilo oulunde taa hondama monhulo yoye?

HESEKIEL 36:25

Opo nee handi ka tila kombada yeni omeva a yela, opo mu yele. Ame ohandi ke mu yapula eenyata deni adishe noikalunga yeni aishe.

LEVITIKUS 15:27

Ndele keshe umwe ou ta kumu oinima ei, ota ka kala ina yela. Ye e nokukosha oikutu yaye nokulikosha ndele ta kala ina yela fiyo onguloshi.

LEVITIKUS 15:6

Ndele ou ta kala omutumba koshipundi kusho winya e netiko a li ko omutumba, e nokukosha oikutu yaye nokulikosha, ndele ye ta kala omunashidila fiyo onguloshi.

LEVITIKUS 16:28

Ndele ou e i xwika po, e nokukosha oikutu yaye nokukosha olutu laye momeva, opo nee ta shiiva okuuya monhanda.

LEVITIKUS 8:6

Ndele Moses okwa ehenifa kuye Aron novana vaye ovamati ndele okwe va kosha nomeva.

NUMERI 19:13

Keshe umwe ta kumu omufi nokutya, oshimhu shomunhu, ndele ite lifetifa, ye ota nyateke etwali lOmwene, ndele ye na dimwe mo muIsrael, osheshi ina shaminwa nomalifetifomeva. Ye ina yela, nonyata yaye tai ka kala muye.

NUMERI 31:20

Noshikutu keshe nashi koshwe nosho yo oshinima keshe shoshipa naaishe ya tungwa nolududi loshikombo noshinima keshe shoshiti.”

NUMERI 8:21

NOvalevi ove lifeta po omanyonauno avo ndele va kosha oikutu yavo, ndele Aron okwe va dungadungifila koshipala shOmwene edungadungifwayambo. Ndele Aron e va kwatakanifa, opo vo va yele.

OVAHEBERI 9:10

ndelenee ngaashi oinakuliwa noikwakunuwa, nomalikoshelo e lili no ku lili, oyo omhango yopambelela, ya tulwa po i kale fiyo efimbo lomhango ipe le uya.

OVAHEBERI 9:13

Osheshi ohonde yeemhedi noyoikombo ya shaminwa nomute wondema yondjelipa wa undwa kwaava va nyata, ngeenge tau va yapula, otava koshoka pambelela,

JAKOB 4:8

Eheneni kuKalunga, opo nee Ye ta ehene kunye. Yelifeni omake eni, nye ovalunde, yelifeni omitima deni, nye ovanamitimambali.

1 PETRUS 3:21

Pafaneko eli paife nanye yo otamu xupifwa komeva, okeshasho, lo kali fi ekufepo lonyata yombelela, ndelenee okwiindila kuKalunga eliudo liwa omolwenyumuko laJesus Kristus.

EHOLOLO 7:14

Ame onda tya kuye: “Omwene wange, Ove ou shi shii.” Ndele Ye okwa lombwela nge: “Ava ovava va dile momahepeko manene, ndele va kosha oikutu yavo, ndele ve i yelifa mohonde yOdjona.