NUMERI 8:24 - Ombibeli Iyapuki

²⁴ “Hano odedi tadi tongo Ovalevi: Ye eshi a wanifa omido omilongo mbali nanhano ile a koya po, e nokuuya a ka wanife oiwanifwalonga yaye meyakulwalonga lometwali leongalo.

NUMERI 8:24 ပူးပေါင်းရင်းမြစ်များ

1 OMAFIMBO 23:3

NOvalevi va valwa, okudja kwaava va wanifa omido omilongo nhatu ile ve di koya. Omuvalu wavo komunhu nomunhu wa li ovalumenhu omayovi omilongo nhatu naahetatu.

2 OMAFIMBO 31:17

Meshikulafano lepata lovapristeli, ovapristeli va shangwa mo pamaumbo nOvalevi ovo ve nomido omilongo mbali ile ve di koya, painakuwanifwalonga yavo paengudu.

NUMERI 1:53

Ndelenee Ovalevi ve nokwoonga onhanda keembinga adishe detwali liyapuki, ehandu liha holoke kombada yovana vaIsrael. Osho ngaha hano Ovalevi ve nokuyakula moilonga yetwali liyapuki.”

NUMERI 4:23

U noku va vala okudja kwaava va wanifa omido omilongo nhatu naava va koya po fiyo okomido omilongo nhano, aveshe ava ve nokulonga vo va yakule moilonga yetwali leongalo.

NUMERI 4:3

ava va wanifa omido omilongo nhatu naava va koya po fiyo okomudo omutimilongo nhano, aveshe ava va pewa oiwanifwalonga, ve i wanife metwali leongalo.

NUMERI 4:30

U noku va vala okudja kwaava va wanifa omido omilongo nhatu naava va koya po, fiyo okomido omilongo nhano. Aveshe ava ve nokulonga vo va yakule moilonga yetwali leongalo.

NUMERI 4:43

ava va wanifa omido omilongo nhatu naava va koya po fiyo okomido omilongo nhano, aveshe ava va li ve nokuyakula moilonga petwali leongalo,

NUMERI 8:23

NOmwene okwa lombwela Moses ndee ta ti:

NUMERI 8:25

Ndelenee ngeenge a wanifa omido omilongo nhano, e nokumangululwa mokulonga ndee ina longa vali.

1 OVAKORINTO 9:7

Olyelye ta kala nande efiku limwe moukwaita te lifutile ye mwene? Olyelye ta twike oshikokola shomiviinyu ndele ita li oiimati yasho? Olyelye ta lifa oimuna, ye ita li omashini oimuna?

2 OVAKORINTO 10:4

osheshi oilwifo yetu kai fi yopambelela, ndelenee oya pama koshipala shaKalunga okuhanauna po eenguluhote.

1 TIMOTEUS 1:18

Omona wange Timoteus, omhango ei ohandi i ku pe noku ku lineekela, pamaxunganeko aa e ku xunganekelwa nale, opo u shiive okukondja olwoodi liwa mokulikwatelela muo,

1 TIMOTEUS 6:12

Kondja ekondjo liwa leitavelo, dama omwenyo waalushe we u ifanenwa ndele wa hepaulula ehepaululo liwa moipafi yeendobwedi dihapu.