NUMERI 8:21 - Ombibeli Iyapuki

²¹ NOvalevi ove lifeta po omanyonauno avo ndele va kosha oikutu yavo, ndele Aron okwe va dungadungifila koshipala shOmwene edungadungifwayambo. Ndele Aron e va kwatakanifa, opo vo va yele.

NUMERI 8:21 ပူးပေါင်းရင်းမြစ်များ

EXODUS 19:10

Omwene okwa lombwela vali Moses ndele ta ti: “Inda kovanhu u va yapule nena nomongula, nava koshe oikutu yavo,

LEVITIKUS 14:11

Nomupristeli ou ta fetifa na tule omunhu ou e nokufetwa mo neeshali daye koshipala shOmwene poshivelo shetwali leongalo.

NUMERI 19:12

Ye e nokulifetifa nomeva tuu aa mefiku etitatu nomefiku etiheyali, opo nee ye ta ka kala a yela, ndele ngeenge ine liyeleka nomeva aa mefiku etitatu netiheyali, ye ota kala ina koshoka.

NUMERI 19:19

Ndele ou a yela e nokushamina ou ina yela mefiku etitatu nomefiku etiheyali, ye e nokulifetifa. Opo nee ye ta kosho oikutu yaye ndee te likosho momeva ndee ta ka kala a yela onguloshi.

NUMERI 3:12

“Tala, Ame mwene onda kufa mo Ovalevi movana vaIsrael ponhele yoiveli aishe ei tai yeulula oshidalelo shaina movana vaIsrael, Ovalevi opo va kale vange mwene.

NUMERI 8:15

Opo nee Ovalevi ve nokuuya va yakule metwali leongalo. Osho ngaha hano u noku va fetifa noku va dungadungifa edungadungifwayambo.

NUMERI 8:20

Ndele Moses naAron neongalo alishe lovana vaIsrael va ningila Ovalevi naanaa Omwene ngaashi a lombwela Moses mokutonga Ovalevi. Osho hano ovana vaIsrael ve va ningila.

NUMERI 8:22

Opo nee Ovalevi ve uya va ka longe eyakulwalonga lavo metwali leongalo moipafi yaAron novana vaye ovamati. Omwene ngaashi a lombwela Moses mokutonga Ovalevi, osho hano vo ve va ningila.

NUMERI 8:7

Opo u va fetife u nokuninga navo ngaha: va shamina omeva okufeta po omanyonauno. Vo ove nokulikululifa noshimbi olutu alishe nokukosha oikutu yavo nokulifeta voovene.