NUMERI 6:3 - Ombibeli Iyapuki

³ ye e nokulidilika omaviinyu noikolwifa, ye ke nokunwa omaetika omaviinyu ile oshinwa tashi kolwifa, heeno, aha nwe nande omeva a kolwa omandjebele, ye aha lye omandjebele matalala ile oo a kashekwa.

NUMERI 6:3 ပူးပေါင်းရင်းမြစ်များ

LEVITIKUS 10:9

“Ove novana voye ovamati inamu nwa omaviinyu ile oikolwifa nye ngeenge tamu i metwali leongalo, muha fye. Oyo onghedimhango yaalushe yomomaludalo eni.

AMOS 2:11

Ndele Ame nda pendula ovaxunganeki movana veni ovamati, nOvanasiri movanyasha veni. Ile hasho, nye ovana vaIsrael? Omwene ta ti.

AMOS 2:12

Ndelenee nye omwa pa Ovanasiri omaviinyu novaxunganeki mwe va lombwela, tamu ti: Inamu xunganeka vali.

NUMERI 6:4

Momafiku aeshe omounasiri waye aha lye sha shomwashishe eshi sha ningwa komuviinyu, nande oipele ile keenhele domashila ado.

LUKAS 1:15

Osheshi ye ota ningi omunene koshipala shOmwene, omaviinyu nomeva keshe haa kolwifa ite a nu, ota yadifwa Omhepo Iyapuki fimbo e li medimo laina.

LUKAS 21:34

“Ndelenee lipashukileni, omitima deni diha lolokifwe koitendele nokokukolwa nokoshisho shoipalwifa, efiku olo lihe mu vakele ngaashi omwiyo,

OVAEFESO 5:18

Inamu kolwa komaviinyu omo hamu di eliefo, ndelenee yadifweni kOmhepo;

1 OVATESSALONIKI 5:22

Kukumeni ashishe sha nyika owii.

1 TIMOTEUS 5:23

Ino nwa vali omeva aeke, ndelenee nwa yo omaviinyu manini omolwoudu woye wendjadja nowoshifeta tashi ku hange efiku nefiku.

OVAHEBERI 9:10

ndelenee ngaashi oinakuliwa noikwakunuwa, nomalikoshelo e lili no ku lili, oyo omhango yopambelela, ya tulwa po i kale fiyo efimbo lomhango ipe le uya.

OVATOKOLIPANGELI 13:14

Ashishe eshi tashi di komuviinyu aha lye sha. Nomaviinyu ile oikunwa tai kolwifa aha nwe, ndele aha lye nande sha osho inashi yela. Ashishe eshi nde shi mu lombwela ye e na oku shi diinina.”

OVATOKOLIPANGELI 13:4

Lungama hano uha nwe omaviinyu ile oikunwa tai kolifa ndele ino lya sha, osho inashi yela.