NUMERI 6:20 - Ombibeli Iyapuki

²⁰ Nomupristeli e noku i dungadungifa edungadungifwayambo koshipala shOmwene. Yo oshali iyapuki yomupristeli pamwe nombadja yedungadungifwayambo noshilama sheyelulwayambo. Opo nee Omunasiri na nwe omaviinyu.’

NUMERI 6:20 ပူးပေါင်းရင်းမြစ်များ

OMUUDIFI 9:7

Inda hano u ka lye nehafo omungome woye, ndele nwa omaviinyu oye nomutima wa nyakukwa, osheshi Kalunga okwa hokwa nonale oilonga yoye.

JESAJA 25:6

Ndele Omwene womatanga ovakwaita ota ka dungila ovanhu aveshe komhunda ei oitendele yomaadi, oitendele yomaviinyu e neenghono noyomungo noyomaviinyu mawa.

JESAJA 35:10

Ndele ovakulilwa vOmwene otava ka alukila ko, ndele tava ka ya kuSion nokukuwilila, ve nehafo laalushe, tali ka kala kombada yomitwe davo. Ehafo nenyaku otave ke li mona, ndelenee oisho nokukema otai faduka po.

LEVITIKUS 10:15

Oshilama sheyelulwayambo nombadja yedungadungifwayambo pamwe noipambu nomakaadi omundiloyambo, vo ove nokudungadungifa koshipala shOmwene ngaashi edungadungifwayambo. Ndele olo tali ka ninga oshitukulwa shoye novana voye ovamati pamwe naave fiyo alushe, Omwene ngaashi a popya.”

LEVITIKUS 23:11

Ndele ye e nokudungadungifa oshipandi koshipala shOmwene opo mu wapalele Omwene. Mefiku tali shikula Eshabata, omupristeli e noku shi dungadungifa.

LEVITIKUS 7:30

Omake aye e nokweeta omaindiloyambo Omwene. Omakaadi nombadja oyo e nokweeta. Ombadja i ninge edungadungifwayambo okudungadungifwa koshipala shOmwene;

LEVITIKUS 7:31

nomupristeli e nokuxwika po omakaadi koaltari, ndelenee ombadja tai ningi yaAron novana vaye.

LEVITIKUS 7:32

Nye mu nokupa yo omupristeli oshilama shokolulyo ngaashi eyelulwayambo lomomapanduloyambo eni.

LEVITIKUS 7:34

Osheshi ombadja yedungadungifwayambo noshilama sheyelulwayambo Ame nde i tambula ehanganoyambo kovana vaIsrael, ndele nde i yandja kuAron novana vaye ovamati ngaashi oshitukulwa shavo kovana vaIsrael fiyo alushe.’ ”

LEVITIKUS 9:21

Ndelenee ombadja noshilama shokolulyo Aron okwe i dungadungifa koshipala shOmwene edungadungifwayambo, Moses ngaashi e shi tonga.

SAKARIA 10:7

Ndele Efraim tashi ka kala ngaashi omuladi nomitima davo tadi ka hafa ongaava va nwa omaviinyu, novana vavo tave ke shi mona, ndele tava hafe, nomitima davo tadi nyakukwa mOmwene.

SAKARIA 9:15

Omwene womatanga ovakwaita ote va amene, ndele vo otava ka findana, ndele otava ka lyata omamanya ovaumbi. Otava nu ohonde yavo ngaashi omaviinyu, nove yadi ngaashi oiyuma yeyambo, ngaashi eekolonela doaltari.

SAKARIA 9:17

Osheshi ounene wouwa wavo u fike peni! Nounene wewapalo lavo u fike peni! Oilya tai kulifa ovamati, nomaviinyu ahawiishu taa kulifa oukadona.

NUMERI 18:18

Nombelela yayo tai ningi yoye, ngaashi ombadja yedungadungifwayambo noshilama shokolulyo nai ninge yoye.

NUMERI 5:25

Nomupristeli na tambule meke lomukainhu eendjayambo doukodi, neendjayambo te di dungadungifa koshipala shOmwene ndee te di twala koaltari.

NUMERI 6:21

“Oyo hano omhango yOmunasiri, ou a udanekela Omwene eyambo molwounasiri waye pamwe naikwao, ye ta dulu oku i yandja. Ye e nokuninga paudaneko laye ye e li udaneka pamhango yOunasiri.”

MATEUS 26:29

Ndele handi mu lombwele: okunena eli Ame itandi nu vali oiimati ei yomuviinyu fiyo efiku olo, handi ke a nwa mape pamwe nanye omouhamba waTate.”

MARKUS 14:25

Oshili handi mu lombwele: itandi nu vali oiimati yomiviinyu fiyo efiku olo handi ke a nwa mape omouhamba waKalunga.”

JOHANNES 19:30

Ndele, Jesus eshi a tambula omeva aa malula, okwa tya: “Sha longwa sha pwa.” Ndele ta nyongameke omutwe waye, ndele ta yandje omwenyo waye.