NUMERI 6:14 - Ombibeli Iyapuki

¹⁴ ndele ye e nokuyambela Omwene eyambo laye: odi yomudo umwe ihe noshipo exwikiloyambo, odi yonghadi yomudo umwe ihe noshipo etimbayambo, odi yomhedi ihe noshipo epanduloyambo,

NUMERI 6:14 ပူးပေါင်းရင်းမြစ်များ

1 OMAFIMBO 15:26

Ndele fimbo Kalunga a kwafa Ovalevi ava va humbata oshikefa shehangano lOmwene, eengobe heyali deemhedi needi heyali deemhedi oda yambwa.

OMAPSALOME 66:15

Onde uya, nde ku etela omalungwinifoyambo, eedi da ondoka, nomwifi wetwimino loikombo; onda hala okulongekida eedidi neehove. Sela

LEVITIKUS 14:10

Ndele mefiku etihetatu e nokukufa oudjona vavali vehe noshipo nokadjona okakadi komudo umwe kehe noshipo ndele e nokukufa oufila wa nakwa u fike peekilograma nhatu ngaashi eendjayambo mwa pilulilwa omaadi, nomaadi oshitatu sholita.

LEVITIKUS 3:6

“Ndele eyambo laye ngeenge odi ile oshikombo, ye te shi etele Omwene epanduloyambo, ye e noku shi eta shihe noshipo, odi ondume ile onghadi.

LEVITIKUS 4:27

“Ndele umwe womovanhu vomoshilongo ngeenge ta nyono molwokuhashiiva, ye ta ningi eshi sha shilikwa kOmwene ndele ye ta mono ombedi yaye,

LEVITIKUS 4:32

“Ndelenee ye ngeenge ta eta etimbayambo laye okadjona, ye e nokweeta okakadi kehe noshipo,

NUMERI 15:27

“Ndele omunhu umwe ta nyono mepuko, ye e nokweeta oshikombo shomudo umwe etimbayambo.

1 PETRUS 1:19

ndelenee onohonde yaKristus i nondilo, ngaashi ei yodjona ihe noshipo noihe nonyata.