NUMERI 5:7 - Ombibeli Iyapuki

⁷ Opo ye e nokuhepaulula etimba laye e li ninga. Opo nee ta alula oikolo yaye noku i wanifa nokuweda po oshititano shayo, ndele ye e noku i pa ou, ye e noikolo naye.

NUMERI 5:7 ပူးပေါင်းရင်းမြစ်များ

OMAPSALOME 32:5

Opo nee onde ku hepaululila omatimba ange, noulunde wange inandi u holeka, nda tya: “Onda hala ndi hepaululile Omwene omanyono ange”; opo ove owa kufila nge po owii womatimba ange. Sela

OMAYELETUMBULO 28:13

Ou ta holeke omatauluko aye, ita ka mona elao. Ndelenee ou te a hepaulula ndele te a efa, ota ka filwa onghenda.

LEVITIKUS 26:40

“Opo nee vo otava hepaululile nge omatimba avo nomatimba ooxe eshi vo va li ve liteeka nge ndele va li va anya nge.

LEVITIKUS 26:41

Opo naame yo nda li ndi noku va anya noku va twala medu lovatondadi vavo. Opo omitima davo inadi pita etanda ngeenge tadi lininipike, va mone ekwatakanifo lomatimba avo.

LEVITIKUS 5:15

Omunhu ngeenge ta tauluka nomolwoungone ta nyono nokukufa sha shomwaayo ya yapulilwa Omwene, na etele Omwene ofuto odi ondume ihe noshipo yomoimuna opakuyeleka kwaye moisekeli oisiliveli pakushikula kwoisekeli yetwali liyapuki, ehandukulukifo.

LEVITIKUS 5:16

Ndele ye e nokufuta eshi e shi kufa mo moinima ya yapulwa nokuwedela ko oshititano shondjele yasho ndele ne shi pe omupristeli. Omupristeli ye eshi e mu kwatakanifa ngaha mokuyamba odi yehandukulukifo, ye ote ke shi diminwa po.

LEVITIKUS 5:5

heeno, ye ngeenge e noushima moshinima shongadi, ne shi hepaulule eshi a nyona,

LEVITIKUS 7:7

Ngaashi sha pangelwa etimbayambo, osho yo okuvelombediyambo. Omhango imwe aike kuwo. Omupristeli ou ta kwatakanifa nalo, ye ota pewa oshitukulwa shaye.

NUMERI 5:8

Ndelenee winya ngeenge ke nomunhu oku mu kulila, ou ta dulu okwaalula oikolo, opo oikolo nai alulilwe Omwene nokutya, omupristeli, ndee ta weda po odi yomhedi yekwatakanifo, opo winya a kwatakanifwe nayo.

LUKAS 19:8

Ndelenee Sakeus okwa fikama ndele ta ti kOmwene: “Omwene tala, emona lange ohandi li tukula pokati, ombinga imwe ndi i pe eehepele, ndele ngeenge oku na ou nde mu nyekele ohandi mu shunifile lune.”

JOSUA 7:19

Opo nee Josua okwa lombwela Akan ndele ta ti: “Omumwange, fimaneka Omwene Kalunga kaIsrael noku mu pa ehambelelo, ndele hepaululile nge eshi we shi ninga. Ino shi holeka nge.”