NUMERI 5:27 - Ombibeli Iyapuki

²⁷ Ye eshi a nwefa omukainhu omeva, opo nee ye, ngeenge e linyateka nokunyona komulumenhu waye mokuhaelwa, omeva aa taa eta etulomutima taa i meni laye ngaashi ouyehame mulula nedimo laye tali ka dinda noshiya shaye tashi ka fipatela. Nomukainhu ou ta ka ninga omufingwa mokati koshiwana shavo.

NUMERI 5:27 ပူးပေါင်းရင်းမြစ်များ

OMAPSALOME 109:18

Okwe lidika efingaelo ngaashi omudjalo waye, olo le mu ya meni ngaashi omeva nomomakipa aye ngaashi omaadi.

OMUUDIFI 7:26

Ndele nda mona sha shilula shi dule efyo: Omukainhu e nomutima wa fa eendjadja, nomake aye e li ngaashi omalyenge. Omunhu ou ta wapalele Kalunga ota xupifwa muye, ndelenee omulongi woulunde ta kwatwa kuye.

JESAJA 65:15

Ndele nye, edina leni otamu ke li fiila ovahoololwa vange li ninge ondjovo yefingo, ndele Omwene Kalunga ote ke ku hanauna po. Ndelenee ovapiya vaye ote va lukulula edina limwe.

JEREMIA 24:9

Ndele Ame ohandi ke va ninga noshitilifa nomupya koilongo aishe kombada yedu nokudinwa nokupopiwa nokuyeelwa nokufingwa meenhele adishe omo handi ke va tela mo.

JEREMIA 29:18

Ndele Ame ohandi ke va shikulifa eongamukonda nondjala noudu wolutapo, nohandi ke va ninga etilifohaluko momauhamba aeshe kombada yedu, notava ningi efingo noixuna nesheko noiyolifa mokati koiwana aishe oko handi va tumine ko,

JEREMIA 29:22

Ndele vo otava ka ninga ondjovo yefingo keenghwate adishe domuJuda, di li muBabilon, tapa tiwa: “Omwene ne ku ninge ngaashi Sedekia naAhab, ovo va yofwa momundilo kohamba yaBabilon,”

JEREMIA 42:18

“Osheshi Omwene womatanga ovakwaita, Kalunga kaIsrael ota ti ngaha: ‘Ngaashi ehandu lange noupyuhandu wange wa tililwa kombada yoonakukalamo muJerusalem, osho yo oupyuhandu wange otau ka tililwa kombada yeni, ngeenge tamu i kuEgipiti. Ndele nye otamu ka ninga efingo noshitondifa nondjovo yefingano nelengaifo, ndele itamu ka mona vali onhele ei.’

JEREMIA 44:12

Ndele Ame ohandi ka kufa oshixupe shomuJuda, shi noipala ya taalela kuEgipiti, va ye ko va ka kale ko ovanailongo, ndele vo aveshe otava ka xula po muEgipiti. Otava ka fya keongamukonda nokondjala. Ovanyasha novakulunhu otava fi kondjala nokeongamukonda. Ndele voovene otava ka ninga efingano netilifo nondjovo yelengaifo noyesheko.

SAKARIA 8:13

Heeno, onye eumbo laJuda nolaIsrael ngaashi mwa li efingo mokati koiwana, osho nge handi mu xupifa, otamu ka ninga enangeko noupuna. Inamu tila. Pamekeni omake eni.”

NUMERI 5:20

Ndelenee ove, ngeenge wa nyona komulumenhu woye, ndele we linyateka mokunangala nomulumenhu umwe ehe fi woye mwene,

NUMERI 5:28

Ndelenee omukainhu ngeenge ine linyateka, ndelenee a yela ita mono oshiponga ndee ta kala e noludalo.

OVAROMA 6:21

Pomafiku enya omwa li mu noiimati ya tya ngahelipi? Oyo tuu ei mwe i fya ohoni paife. Osheshi exulilo loinima oyo olo efyo.

2 OVAKORINTO 2:16

kwaava edimba lefyo okefyo, ndele kwaavenya edimba lomwenyo olokuyandja omwenyo. Ndele olyelye ou a wanena eshi?

DEUTERONOMION 28:37

Ndele ove oto ka ninga oshinima shoixuna noshitevo shodino nomuyolwa mokati koiwana aishe omo Omwene te ke ku twala.

2 PETRUS 2:10

ndele unene tuu ava hava lambalala ombelela meenyata douhalu nohava dini omapangelo, oonakulitanga moulafalafi wavo ihava tila okuyeela omapangelomhepo.