NUMERI 5:18 - Ombibeli Iyapuki

¹⁸ Opo nee omupristeli e nokukaleka omukainhu koshipala shOmwene, ye na pandulule eexwiki dokomutwe womukainhu, ndee na tule edimbulukifoyambo momake aye, olo eendjayambo doukodi. Ndele meke lomupristeli mu nokukala omeva ouyehame mulula, oo taa eta etulomutima.

NUMERI 5:18 ပူးပေါင်းရင်းမြစ်များ

OMAYELETUMBULO 5:4

ndelenee pexulilo ye a lula ngaashi oshixwa shomululu, ngaashi eongamukonda la upikwa keembinga adishe.

OMUUDIFI 7:26

Ndele nda mona sha shilula shi dule efyo: Omukainhu e nomutima wa fa eendjadja, nomake aye e li ngaashi omalyenge. Omunhu ou ta wapalele Kalunga ota xupifwa muye, ndelenee omulongi woulunde ta kwatwa kuye.

JESAJA 38:17

Tala, oluhodi eli lidjuu ola ningila nge elao, Ove wa kala u hole omwenyo wange, Ove we u shila mo melambo lekano, osheshi Ove owa ekelashi omatimba ange aeshe konima yoye.

JEREMIA 2:19

Owii woye mwene otau ku denge, nokuliteeka kwoye kudjuu otaku ku handukile. Hano, kala u shi shii nokumona oululu woshiponga shoye apa u fike, eshi wa efa Omwene Kalunga koye, ndele ino kala nokutila nge. Omwene osho ta ti, Omwene womatanga ovakwaita.

LEVITIKUS 13:45

Natango, oikutu yomunashilundu ou e noudu i nokukala ya pombaulwa, neexwiki daye dokomutwe di nokweendjelela. Ye e nokutuvika yo eendjedi daye nokwiingida: “Omunashilundu! Omunashilundu!”

NUMERI 5:15

Opo nee omulumenhu na ete omwalikadi waye komupristeli noku mu yandjela eyambo: oufila woilya okilograma imwe, ndelenee kombada yao aha tile ko omaadi ndee aha wede ko oitwiminifo, shaashi olo eendjayambo doukodi, edimbulukifoyambo, tali dimbulukifa owii.

NUMERI 5:17

Nomupristeli na tile moshiyuma shedu omeva mayapuki ndee na kufe mondwi ei i li poshi yetwali liyapuki ndee e i tule momeva.

NUMERI 5:19

Nomupristeli e noku mu anifa nokulombwela omukainhu: “Omulumenhu nande umwe ngeenge ina nangala naave ndele ino nyona komulumenhu woye mokulinyateka, hano omeva aa ouyehame mulula, aa taa eta etulomutima itae ku ningi sha.

NUMERI 5:22

Omeva aa efingo naa ye momandjadja oye, opo oshiya shoye shi fipatele nedimo loye li dinde.” Nomukainhu na tye: “Amen, Amen.”

1 OVAKORINTO 11:15

ndele omukainhu ngeenge e neexwiki dile, odo efimano laye, osheshi e di pewa e liuvike nado.

1 OVAKORINTO 11:6

Osheshi ngeenge omukainhu ina tuvika omutwe waye, na tetife ko eexwiki daye; ndele ngeenge oshii komukainhu okutetifa eexwiki daye ile oku di kululifa ko, na tuvikile omutwe waye.

DEUTERONOMION 29:18

hano mokati keni muha kale omulumenhu ile omukainhu, epata ile oludi omutima walo tau liteeka nena eli kOmwene Kalunga ketu a ka ye okulongela oikalunga yoiwana, opo mokati keni muha mene nande omudi muwo tamu di oudiyo noshixwa shedimba lii.

OVAHEBERI 13:4

Ohombo nai fimanekwe kwaaveshe, nomutala wohombo nau kale uhe noshipo; osheshi ovaholi voipala novateihombo Kalunga te va tokola.

1 SAMUEL 15:32

Opo nee Samuel ta ti: “Etelei nge Agag, ohamba yOvaamaleki.” Fimbo Agag e uya nehafo koshipala shaye, Agag ta ti: “Oshili oululu wefyo wa kanduka po.”