NUMERI 4:15 - Ombibeli Iyapuki

¹⁵ Aron novana vaye ovamati ngeenge va mane okutuvika etwali liyapuki noinima aishe yetwali, opo nee ovana ovamati vaKohat nave uye va ka humbate. Ndele vo vaha kume oinima iyapuki, opo vaha fye. Oinima oyo tuu oyo yetwali leongalo ovana ovamati vaKohat ve nokuhumbata.

NUMERI 4:15 ပူးပေါင်းရင်းမြစ်များ

2 SAMUEL 15:24

Ndele tala, Abjatar okwe uya naSadok yo oko a li napamwe naye Ovalevi aveshe ava hava humbata oshikefa shaKalunga, ndele va tula poshi oshikefa shaKalunga naAbjatar yo e uya fiyo ovanhu aveshe vomoshilando va enda po.

2 SAMUEL 6:13

Ndele ovahumbati voshikefa shOmwene eshi va enda eenghatu hamano, ye okwa yamba ongobe nonhana.

1 EEHAMBA 8:3

Ovawiliki aveshe vaIsrael eshi va ongala muJerusalem, ovapristeli va tumba Oshikefa Shehangano,

1 OMAFIMBO 15:15

NOvalevi va humbata nomitengi oshikefa shaKalunga komapepe ngaashi Moses e va lombwela pandjovo yOmwene.

1 OMAFIMBO 15:2

Opo nee David ta ti: “Kaku na umwe ta humbata oshikefa shaKalunga, Ovalevi aveke, osheshi Omwene e va hoololela okuhumbata oshikefa shaKalunga noku mu longela fiyo alushe.”

1 OMAFIMBO 23:26

Osho ngaha hano Ovalevi inava pumbwa vali ngaashi oshilonga shavo okuhumbata etwali noinima aishe yalo,

EXODUS 19:12

Ovanhu u noku va findila omufinda wa dingilila ko, noku va lombwela: ‘Likeleleni, muha londe komhunda ile mu i kume nomhadi. Osheshi keshe umwe ta kumu omhunda, ota ka fya shili.

EXODUS 19:21

Ndele Omwene okwa lombwela Moses: “Londoloka, u londole ovanhu vehe uye kOmwene va ka tale, vahapu vomuvo vaha nyonauke po.

EXODUS 27:7

Nomitengi di nokuxwekelwa meengodo opo omitengi di kale keembinga adishe mbali doaltari vo eshi tave i humbata.

LEVITIKUS 16:13

Ndele ye e nokutula oitwiminifo komundilo koshipala shOmwene, opo omwifi wetwiminifo u dule okutuvika oshituviko shekwatakanifo sho shi li koshikefa shoundobwedi, opo aha fye.

NUMERI 1:50

ndelenee Ovalevi va tula moshilonga shetwali liyapuki noshoinima aishe yalo naaishe i li mo. Vo ove nokuhumbata etwali liyapuki naaishe ei i li mo ndele vo ve nokuyakula moilonga yomulo nokwoonga onhanda keembinga adishe detwali liyapuki.

NUMERI 1:51

“Netwali liyapuki ngeenge tali fikama, Ovalevi ve noku li pangulula. Netwali liyapuki ngeenge tali kanghama, Ovalevi ve noku li pangela po. Ndele omuyeni ou ta ehene kulo na dipawe.

NUMERI 10:21

Opo nee Ovakohati, ava va li ovahumbati vetwali liyapuki, ova fikama. Ndele etwali liyapuki ola dikwa fimbo vakwao inava fika.

NUMERI 18:3

Ndele nava longe oilonga yoye noilonga aishe yetwali. Ndelenee vo vaha ehene popepi noinima iyapuki ile oaltari, vaha fye, osho vo ngaashi nanye yo.

NUMERI 3:38

Ndelenee komesho yetwali liyapuki, kombinga yokoushilo, kepito letango, oko Moses naAron hava ongo onhanda novana vavo ava hava longo metwali liyapuki nokutya, oilonga ponhele yovana vaIsrael. Ndelenee omuyeni ou ta ehene po, e nokudipawa.

NUMERI 4:14

Ndele vo ve nokutula ko oilongifo aishe hava longo nayo nokutya: oikwatelwa yomakala, neenyala dombelela, nouxupulo nomaholo, noinima aishe yoaltari. Ndele vo ve nokuyala oshiyatatuviko shoipa yonguluve kombada yayo nokuxwekela mo omitengi dokuhumbata.

NUMERI 4:19

Va ningileni hano ngaha, opo va shiive okukala nomwenyo mokweehena kwavo koinima iyapukielela. Aron novana vaye ovamati nava ye oku va tula, keshe umwe, moshilonga shaye nokuhumbata oshihumbatwa shaye.

NUMERI 4:20

Ndelenee vo vaha ye mo okutala oinima iyapuki nande papakumo leisho, vaha fye.”

NUMERI 7:9

Ndelenee ye ina yandja sha kovana ovamati vaKohat, osheshi oshilonga shavo petwali liyapuki osha li okuhumbata komapepe avo oinima yalo.

DEUTERONOMION 31:9

Ndele Moses okwa shangela membo omhango ei, nokwe li yandja kovapristeli, Ovalevi, ava va li ve nokuhumbata oshikefa shehangano lOmwene nokovakulunhu vOvaisraeli.

JOSUA 4:10

Novapristeli ava va humbata oshikefa va kala ofika mokati kaJordan fiyo ashishe sha wanifwa eshi Josua e shi lombwelwa kOmwene, e shi lombwele ovanhu, ashishe ngaashi Moses e shi lombwela Josua. Ndele ovanhu va taulula diva.

1 SAMUEL 6:19

NOmwene okwa dipaa ovanhu moonakukalamo muBet-Semes. Osheshi Ye okwa dipaa movanhu ovalumenhu omilongo heyali, shaashi va tala oshikefa shOmwene. Novanhu ova nyika oluhodi shaashi Omwene okwa dipaa vahapu vomuvo.