NUMERI 30:8 - Ombibeli Iyapuki

⁸ Ndelenee omulumenhu waye mefiku tuu olo ye e li uda te lishilike, opo nee ye ta alulula eudaneko laye e li udaneka oku li wanifa nosho yo ondjovo ei ye e i popya mokuhadiladila e i lidilikifa keshe eshi. NOmwene ote ke shi mu dimina po.

NUMERI 30:8 ပူးပေါင်းရင်းမြစ်များ

GENESIS 3:16

Ye okwa lombwela omwalikadi ta ti: “Ame ohandi ke ku hapupalifila oudjuu moufimba woye. Ove to ka dala ounona voye nokuyehama. Ndele oto kala nokuhala omulumenhu woye, ndele ye ote ke ku pangela.”

JEREMIA 44:19

Ndele eshi hatu xwikile ohamba omwalikadi yomeulu omayambo nohatu i tilile oikunwayambo, ohatu shi ningi vati inashi shiivika kovalumenhu vetu, naashi hatu i telekele omingomeyambo da fefano layo ndele hatu i tilile oikunwayambo?

LEVITIKUS 5:4

ile umwe ngeenge ta popi nomilungu daye mokuhadiladila, mokuhashiiva ta anene okuninga shii ile shiwa, heeno, keshe eshi e shi anena, ngaashi omunhu ta dulu okwaana mokuhadiladila sha, ndelenee komesho te ke shi shiiva nokupewa oushima moshinima shongadi shomwaai;

NUMERI 30:5

Ndelenee xe efiku tuu olo ye eshi ta udu omaudaneko aye ndee te mu shilike omaudaneko aye aeshe nelidiliko laye keshe e li lidilikifa elidiliko tali kala la kwatanuka nOmwene te mu dimine po, shaashi xe e shi mu shilika,

NUMERI 30:7

nomulumenhu waye te shi udu ndee te i mwenenene mefiku tuu olo e i uda, opo nee omaudaneko aye a kwatekeka nosho yo keshe elidiliko laye e li lidilikifa elidiliko tali kala la kwatekeka.

NUMERI 30:9

Ndelenee omaudaneko omufiyekadi ile omwalikadi a hengwa po, osheshi ye e shi udaneka nokwaana otaa kala a wanifwa.

1 OVAKORINTO 14:34

ovakainhu veni nava mwene moiongalele yomaongalo, osheshi ova shilikwa okupopya, ndele nava dulike yo, ngaashi omhango tai shi ti.

1 OVAKORINTO 7:4

Omukainhu ke nelipangelo okupangela olutu laye, omulumenhu oye tuu, osho tuu nomulumenhu ke nelipangelo okupangela olutu laye, ndelenee omukainhu oye tuu.

1 SAMUEL 1:23

Nomulumenhu waye Elkana okwe mu lombwela: “Ninga hano eshi tashi ku wapalele. Kala po fiyo okaana okamati ka tova; Omwene na wanife ashike eendjovo daye.” Omwalikadi a kala ko ndele ta nyamifa okaana kaye okamati fiyo e ka tovifa.