NUMERI 27:17 - Ombibeli Iyapuki

¹⁷ ou te va kwatele komesho mokupita kwavo nokuya mo kwavo te va kufa mo note va twala mo, eongalo lOmwene liha kale ngaashi eedi dihe nomufita.”

NUMERI 27:17 ပူးပေါင်းရင်းမြစ်များ

2 SAMUEL 5:2

Nokuli nale fimbo Saul a li ohamba yetu, ove wa li ou ta twala Israel noku mu alula. NOmwene e ku lombwela: ‘Ove u nokulifa ovanhu vange Israel ndele ove u nokuninga ohamba yOvaisraeli.’ ”

1 EEHAMBA 22:17

Opo nee a nyamukula: “Ame nda mona Ovaisraeli aveshe va halakanifwa keemhunda ngaashi eedi dihe namufita. NOmwene okwa tya: ‘Vo vehe na vali omuwiliki, nava shune nombili komaumbo avo.’ ”

1 EEHAMBA 3:7

Hano paife, Omwene Kalunga kange, owa ninga omupiya woye ohamba ponhele yatate David. Ndelenee aame omunyasha, inandi shiiva okupita mo ile okuuya mo.

2 EEHAMBA 11:8

Ndele mu nokukala ofika mwa dingilila ohamba, keshe umwe e noiti yaye meke laye, ndele keshe umwe ta pumine mo momhola na dipawe. Ndele mu nokukala pohamba, yo ngeenge tai di mo ile tai uya mo.”

2 OMAFIMBO 1:10

Pe nge hano paife ounongo nomayele opo ndi dule okufikama nokwaaluka komesho yoshiwana eshi. Osheshi olyelye ta dulu okupangela oshiwana eshi shinene?”

2 OMAFIMBO 18:16

Opo nee a nyamukula: “Ame nda mona Ovaisraeli aveshe va halakanifwa keemhunda ngaashi eedi dihe namufita. NOmwene okwa tya: ‘Vo vehe na vali omuwiliki, nava shune nombili komaumbo avo.’ ”

HESEKIEL 34:5

Osho hano do oda halakanifwa shaashi inapa kala omufita. Ndele do da ninga eendja doilyani aishe yomofuka, do oda halakanifwa.

SAKARIA 10:2

Osheshi oiketi hai popi eendjovo doipupulu, novanongo hava mono oipupulu, ndele hava udifa eendjodi dongaho nomahekeleko avo ongaho. Onghee va ya ngaashi oufita weedi, hava fi oluhepo, osheshi vehe nomufita.

SAKARIA 13:7

Eongamukonda, pendukila omufita wange, nomulumenhu wopwaamelela, Omwene womatanga ovakwaita ta ti! Denga omufita, eedi opo di lihane. Ndele Ame ohandi ka yambidida ava vaxupi nokwooko kwange.

MATEUS 10:6

ndele indeni tete keedi odo da kana domeumbo laIsrael.

MATEUS 15:24

Ndelenee Ye okwa nyamukula, ndele ta ti: “Ame inandi tuminwa kovanhu vamwe, okeedi odo da kana domeumbo laIsrael odo adike.”

MATEUS 9:36

Ndele eshi a tala eengudu dovanhu okwe di uditila onghenda, osheshi ovo va li va hepekwa, ndele va loloka va fa eedi dihe na omufita.

MARKUS 6:34

Ndele eshi a fika koukukutu, okwa mona ko ovanhu vahapu, ndele okwe va udila olukeno, osheshi ova li va fa eedi dihe na omufita, ndele okwa hovela oku va longa oinima ihapu.

JOHANNES 10:9

Aame oshivelo. Ngeenge pe na ou ta i mo ta piti mwaame, oye ta xupifwa, ndele ta kala nokuya mo nokudja mo, ndele ta mono oulifilo.

DEUTERONOMION 31:2

ndele ta ti kuvo: “Nena eli nda wanifa omido efele nomilongo mbali. Ame nghi dulu vali okupita nokuuya mo, nOmwene okwa lombwela nge: ‘Ito tauluka omulonga ou waJordan.’

1 PETRUS 2:25

Osheshi nale mwa li omwa kana mwa fa eedi, ndelenee paife omwa alukila kOmufita nokOmutekuli weemwenyo deni.

1 SAMUEL 18:13

Opo nee Saul e mu lekela nokwe mu lenga a ninge omuneyovi, onghee hano okwa pitila ovakwaita komesho mokudja po nomokwaaluka.

1 SAMUEL 8:20

Fye opo tu kale ngaashi oiwana aishe, opo ohamba i tu pangele, ndele tai tu kwatele komesho ndele tai tu pitile komesho mokushinga oita.”