NUMERI 25:3 - Ombibeli Iyapuki

³ Osho ngaha hano Ovaisraeli ve liyandjela okufimaneka Baal-Peor; ndelenee ehandu lOmwene la xwamena Ovaisraeli.

NUMERI 25:3 ပူးပေါင်းရင်းမြစ်များ

OMAPSALOME 90:11

Ndelenee elipipo te lipulapula neenghono dehandu loye, e lipulaapule nonyengo yoye, opo a kale te ku tila?

JEREMIA 17:4

Ndele ove u nokweefa efyuululo loye, olo nde li ku pele. Ndele ohandi ku twala moupika wovatondadi medu ku li shii, osheshi nye omwa tema omundilo wehandu lange, tau kala wa xwama fiyo alushe.

HOSEA 4:14

Ame itandi ka handukila ovana veni oukadona omolwokuhaelwa kwavo, nosho yo oitenya yeni omolwokuteya kwavo ohombo. Osheshi ovalumenhu voovene ova kanduka mo mondjila pamwe neembwada, ndele hava yambe pamwe neembwada domeetembeli.

HOSEA 9:10

“Onda hanga Israel ngaashi eeviinyu mofuka, nonda hanga ooxekulu yavo ngaashi eedive domukwiyu pehovelo lao. Ndelenee ove uya kuBaal-Peor, ndele ve liyapulila kalunga kohoni, ndele va ninga oitondifa ngaashi omuholike oo wavo.

NUMERI 25:5

Moses okwa lombwela ovatokoli veendjovo vomuIsrael ndee ta ti: “Keshe umwe na dipae movalumenhu vaye ovo ve liyandjela Baal-Peor.”

NUMERI 31:16

Taleni ovo tuu ovo opapukululo laBileam, va pukifa ovana vaIsrael ve liteeke Omwene moshinima shaPeor, oshiponga opo sha kala meongalo lOmwene.

JOSUA 22:17

Okunyona kwetu molwaPeor nani inaku tu wanena nofiyo onena eli inatu koshwa molwokunyona oko, nomolwakwo ehandukilo la hanga eongalo lOmwene?

OVATOKOLIPANGELI 2:11

Novana vaIsrael va ninga eshi inashi wapala momesho Omwene, vo ova longela ooBaal,

OVATOKOLIPANGELI 2:13

Ndele vo eshi va efa Omwene ndele va longela ooBaal nooAstarot,

OVATOKOLIPANGELI 2:14

ehandu lOmwene ola xwamena Ovaisraeli ndele Ye e va efela momake ovahanauni, ava ve va lwa. Ndele Ye okwe va landifa po momake ovatondadi vavo ve va dingilila, onghee hano va nyengwa okulipopila moipafi yovatondadi vavo.

OVATOKOLIPANGELI 2:20

Onghee hano ehandu lOmwene la xwamena Israel ndele Ye ta ti: “Oshiwana eshi eshi sha teya ehangano lange nde li lombwela ooxe ndele itashi pwilikine ondaka yange,