NUMERI 24:9 - Ombibeli Iyapuki

⁹ Vo otava hondjaunine ngaashi onghoshi, heeno, ngaashi onghoshi onghadi. Olyelye ta dulu oku i shinda? Ou te ku nangeke noupuna, na kale a nangekwa noupuna. Naava tave ku tula omutima, nava kale va tulwa omutima!”

NUMERI 24:9 ပူးပေါင်းရင်းမြစ်များ

GENESIS 12:3

Ndele Ame ohandi ka nangeka noupuna ava tave ku nangeke noupuna, ndele handi ka finga ou te ku fingi. Ndele omapata aeshe kombada yedu otaa nangekwa noupuna mwoove.”

GENESIS 27:29

Oiwana nai ku longele, nomaludi nae ku twile eengolo. Ove kala omupangeli wavamwanyoko, novana vanyoko nave linyongamene poshi koshipala shoye. Nava fingwe ava tave ku fingi; ndele nava nangekwe noupuna ava tave ku nangeke noupuna.”

GENESIS 49:9

Juda onghoshi onyasha; moihakanwa wa dja, omumwange. Ye ote likoko, ndee ta nangala ngonghoshi, ngaashi onghoshi onghadi. Olyelye ta dulu oku mu taataa?

1 EEHAMBA 10:20

Neenghoshi omulongo nambali da li ofika keendodo hamano kombinga nombinga. Oinima ya tya ngaha inai ningwa moshilongo nande shimwe.

2 OMAFIMBO 9:18

Nolukalwapangelo la li li neendodo hamano nola li noshipundi shoshingoldo sheemhadi, sha pangelwa kumwe nolukalwapangelo. Ndele kombinga nombinga yolukalwapangelo kwa li oikwatelelo yomake, neenghoshi mbali da kala ofika kominghulo doikwatelelo yomake.

ESTER 6:13

Ndele Haman okwa hepaululila omwalikadi waye Seres nookaume kaye aveshe, ashishe osho she mu hanga. Opo nee ovalumenhu ovanongo nomwalikadi waye Seres ve mu lombwela: “Ngeenge Mordekai, koshipala shaye wa hovela nokuli okuxutuka, ngeenge ye owomoludi lOvajuda, ito ka dula sha, ndelenee okuwila po ashike koshipala shaye.”

JOB 41:10

Kaku nomuladi te i shindi. Olyelye ou hano ta dulu okukala koshipala shange?

OMAPSALOME 122:6

Haleleni Jerusalem ombili! “Ava ve ku hole, nava kale nepunapalo.

OMAPSALOME 2:12

Xupiteni Omona komilungu, opo ehe mu handukile ndele tamu nyonauka mondjila yeni; osheshi ehandu laye kali kwete kufuluka. Ovanelao ovava aveshe have mu lineekele.

EXODUS 23:22

Ndelenee ove ngeenge to pwilikine ondaka yaye ndele to wanifa ashishe Ame handi ke ku lombwela, Ame ohandi ka ninga omutondadi wovatondadi nomunaita wovanaita voye.

JESAJA 31:4

Osheshi Omwene okwa lombwela nge ngaha: “Ngaashi onghoshi, onghoshi onyasha tai ndwaandwamene peendja, ngeenge ongudu yovafita ya ifanwa ve i lwife, ndele yo ihai haluka molwokukuwa kwavo, ndele itai tewa po komapopyaano avo opombada, osho ngaha Omwene womatanga ovakwaita ta kulukile poshi okukondjela komhunda yaSion nokomutunda wayo.

MIKA 5:8

Ndele ava va xupa muJakob mokati koiwana, tava ka kala mokati kovanhu vahapu ngaashi onghoshi mokati koifitukuti, ngaashi onghoshi onyasha mongudu yeedi. Ngeenge tai pumine mo, tai hakana notai nyanyaula, ndele kape na ou ta xupifa.

NUMERI 22:12

Opo nee Kalunga okwa lombwela Bileam: “Ino ya ko pamwe navo. Ino lyangula ovanhu venya, osheshi vo ovanangekwa noupuna.”

NUMERI 22:6

Ila hano paife u lyangulile nge ovanhu ava, osheshi vo ove dule nge. Kashiimba handi dulu oku va denga noku va taataa mo moshilongo. Osheshi ondi shii ou ta nangekwa noupuna kwoove, ye ota nangekwa noupuna, ndee ou ta lyangulwa kwoove, ota kala a lyangulwa.”

NUMERI 23:24

Tala, oshiwana tashi fikama po ngaashi onghoshi yonghadi, tashi yeluka po ngaashi onghoshi. Itashi ka nangala fimbo inashi lya po oshihakanwa nofimbo inashi nwa ohonde yaai ya dipawa.”

NUMERI 24:10

Opo nee Balak okwa handukila unene Bileam nokwa denga omake aye kumwe, ndele Balak okwa lombwela Bileam: “Ame nde ku ifanena okulyangula ovatondadi vange, ndele tala, lutatu nokuli we va nangeka noupuna!

MATEUS 25:40

Ndele ohamba tai ke va nyamukula ndele tai ti kuvo: ‘Oshili handi mu lombwele: aishe ei mwe i ningila umwe waava ovamwatate vanini, Aame mwe i ningila.’

MATEUS 25:45

Opo nee Oye te va nyamukula ndele ta ti: ‘Oshili handi mu lombwele: aishe inya inamu i ningila umwe waava vanini, Aame mwene inamu i ningila.’

OILONGA YOVAYAPOSTOLI 9:5

Ndele ye okwa tya: “Omwene, Oove lyelye?” Ye okwe mu nyamukula: “Aame Jesus Omunasareti, ou to mu taataa.

DEUTERONOMION 30:7

NOmwene Kalunga koye ota ka tula omatulomutima aa aeshe kovatondadi voye nokovanaita naave, ava ve ku taataa.