NUMERI 24:8 - Ombibeli Iyapuki

⁸ Kalunga ou e mu pitifa mo muEgipiti, a ninga kuvo ngaashi eembinga domhuulu. Vo otava ka mana po oiwana, ovatondadi vavo nokutetaula omakipa avo noku va tyuula noikuti yavo.

NUMERI 24:8 ပူးပေါင်းရင်းမြစ်များ

OMAPSALOME 2:9

Ove u noku va nyanyaula nodibo yoshivela, ndele to va tataula ngaashi oshiyuma.”

OMAPSALOME 21:12

Osheshi Ove to va te po, va ye onhapo, ndele to shoneke oipala yavo noikuti.

OMAPSALOME 45:5

Oikuti yoye oi neememo. Oiwana tai wile koshi yoye; ovatondi vohamba otave i yashwa momitima.

OMAPSALOME 45:6

Olukalwapangelo loye, Kalunga, otali kala po fiyo alushe nodibo yoye youhamba oyo odibo youyuki.

EXODUS 23:22

Ndelenee ove ngeenge to pwilikine ondaka yaye ndele to wanifa ashishe Ame handi ke ku lombwela, Ame ohandi ka ninga omutondadi wovatondadi nomunaita wovanaita voye.

JESAJA 38:13

Ame onde lidiinika fiyo ongula, ndele Ye ota teyaula omakipa ange, ngaashi onghoshi, fimbo oufiku inau shikule omutenya, Ove to xulifa nge po.

JEREMIA 50:17

Israel ya fa odi ya fadukifwa po keenghoshi. Tete ohamba yaAsiria e i lya po nokwa shikulwa kuNebukadnesar, ohamba yaBabilon, a kunya omakipa ayo.

JEREMIA 50:9

Osheshi tala, Ame ohandi ka tukulula nokutondokifila Babilon eengudu doiwana inene medu lokoumbangalanhu, ndele vo otave uya kuye ndele tave shi taalele. Kombinga ei otashi ka tewa. Oikuti yavo oi li ngaashi oikuti yomuladi omufindani ou ita aluka hamakasha.

DANIEL 6:24

Ndele ohamba oya lombwela, ndele vo ova eta ovalumenhu ava va popya ko Daniel ndele va ekelwa mekololo leenghoshi, ovo vene novalikadi vavo. Ndele fimbo inava fika poshi mekololo, eenghoshi ode va yakela ndele tadi nyanyaula omakipa avo aeshe.

NUMERI 14:9

Hano inamu twa ondubo nOmwene ndele inamu kala nokutila ovanhu vomoshilongo shinya, osheshi vo ohatu ke va pona po. Omupopili wavo e va efa, ndelenee Omwene e li pamwe nafye. Inamu va tila!”

NUMERI 21:5

Novanhu ova popya nokupa Kalunga naMoses oushima, ndee tava ti: “Omolwashike ove we tu kufa muEgipiti, fye tu file mombuwa? Osheshi muyo muhe nomungome nomuhe na nande omeva, neemwenyo detu tadi nyonyodola eendja edi dii.”

NUMERI 23:22

Kalunga ou e va pitifa mo muEgipiti; Oye e li ngaashi eembinga domhuulu kuvo.

NUMERI 23:24

Tala, oshiwana tashi fikama po ngaashi onghoshi yonghadi, tashi yeluka po ngaashi onghoshi. Itashi ka nangala fimbo inashi lya po oshihakanwa nofimbo inashi nwa ohonde yaai ya dipawa.”

MATEUS 2:15

Nokwa kala ko fiyo okefyo laHerodes. Opo nee di ninge doshili odo Omwene e di tongifa omuxunganeki ou ta ti: “OmuEgipiti nda ifana mo omona wange.”

DEUTERONOMION 32:23

“ ‘Ame ohandi ka ndubila kombada yavo oiponga. Handi va yashe noikuti yange.

DEUTERONOMION 32:42

Oikuti yange tai ka kolwa kohonde, neongamukonda lange tali ka lya ombelela; okohonde yomudipawa noyonghwate okomitwe dovakulunhu vovatondadi vange.’

DEUTERONOMION 7:1

“Omwene Kalunga koye ngeenge te ku twala medu omo to i u ke li nangele ndele Ye ota taataa komesho yoye oiwana ihapu: Ovaheti nOvagirgasi nOvaamori nOvakaanan nOvaperesi nOvahevi nOvajebusi, oiwana iheyali, i ku dule mouhapu nomeenghono,

JOSUA 2:10

osheshi fye twa uda nhumbi Omwene e mu pwiininifila omeva omEfuta Litilyana komesho yeni fimbo mwa dja mo muEgipiti, naashi mwe shi ningila eehamba mbali dOvaamori, Sihon naOg, kombada yaJordan, nye eshi mwe di hanauna po.