NUMERI 24:7 - Ombibeli Iyapuki

⁷ Omeva taa xunga momahemele avo, neembuto davo tadi kala pomeva mahapu. Nohamba yavo nai kale i dule Agag, nouhamba wavo tau litumbu kombada.

NUMERI 24:7 ပူးပေါင်းရင်းမြစ်များ

2 SAMUEL 5:12

Osho ngaha hano David e shi dimbulukwa nokutya Omwene e mu pameka ohamba yOvaisraeli, nouhamba waye wa tumbala omolwoshiwana shaye Israel.

1 EEHAMBA 4:21

Ndele Salomo okwa pangela oilongo aishe okudja komulonga waEufrat fiyo okedu lOvafilisti nookongaba yaEgipiti. Ova eta eeshali ndele va longela Salomo, fimbo ye a kala nomwenyo.

1 EEHAMBA 5:1

Ndele Hiram, ohamba yaTirus, ya tuma ovapiya vayo kuSalomo, yo eshi ya uda nokutya, ye a vaekwa a ninga ohamba ponhele yaxe David, osheshi Hiram okwa li alushe okaume kaDavid.

1 OMAFIMBO 14:2

Ndele David okwe shi dimbulukwa nokutya Omwene e mu pameka ohamba yOvaisraeli nouhamba waye wa tumbala omolwoshiwana shaye Israel.

ESRA 4:20

Neehamba di neenghono da li muJerusalem do da pangela edu alishe lokouninginino waEufrat, ndele da etelwa oimaliwa, noilya yefendelo nofuto yeengaba.

ESTER 3:1

Konima yoinima oyo ohamba Ahasveros ya nenepeka Haman yaHammedata, Omuagag, ndele ye mu lenga ndele ya tula oshipundi shaye komesho yomalenga aeshe aa a kala puyo.

OMAPSALOME 18:43

Ndele Ove wa xupifa nge meemhata dovanhu vange; Ove wa ninga nge omupangeli woiwana. Ovo inandi shiiva va ninga ovapangelwa vange.

OMAPSALOME 68:26

Nye veengudu adishe, hambeleleni Kalunga, nye vomofifiya yaIsrael, hambeleleni Omwene.

OMAPSALOME 72:11

Heeno, oyo oi nokulinyongamenwa koshipala shaye, noiwana yovapaani i noku ke i longela.

OMAPSALOME 89:27

Onghee hano naame yo onda hala ndi mu ninge oshiveli nomukulunhu mokati keehamba dokombada yedu.

JESAJA 2:2

Pomaxulilo omafiku omhunda yongulu yOmwene otai ka kala ya pamenena, koxulo yeemhunda adishe, ndele otaku tondokele oiwana aishe.

JESAJA 30:25

Ndele tapa kala omatondokelo omeva nomilonga okeemhunda adishe dile nokoikulundudu aishe ei ye litumba, mefiku olo lomadipao manene, neeshungohote eshi tadi wile po.

JESAJA 48:1

Udeni, onye vomeumbo laJakob, onye ava mwe lilukila edina laIsrael nomwa dja momeva aJuda, onye ava hamu ane medina lOmwene, ndele tamu pitifa Kalunga kaIsrael momakanya eni, ndele inamu shi ninga moshili nomouyuki,

JESAJA 9:7

Epangelo laye tali ningi linene, nombili itai xulu po okolukalwapangelo laDavid nomouhamba waye, opo Ye e u kanghameke noku u pameka netokolo nouyuki okefiku eli nofiyo alushe. Ouladi waKalunga, Omwene womatanga ovakwaita otau ke shi ninga.

JEREMIA 51:13

Woo oove, u li pomeva manene, oshipuna shomamona, exulilo loye ola fika. Okunyeka kwoye kwa xula po.

DANIEL 2:44

Ndelenee pomafiku eehamba dinya Kalunga ou komeulu ota ka dika ouhamba itau ka teka po fiyo alushe, nepangelo lao itali ka yandjwa koshiwana shimwe. Ndele wo otau ka nyanyaula notau ka teyaula omauhamba aeshe noku a xulifa po, ndelenee woovene tau ka kala fiyo alushe,

NUMERI 24:20

Ndele ye eshi a tala Amalek, okwa tumbula etumbulo eli ndee ta ti: “Amalek sha li shotete shomoiwana, ndelenee exulilo lasho ehanauno.”

JOHANNES 1:49

Natanael okwa tya kuye: “Rabbi, Oove Omona waKalunga, Oove ohamba yaIsrael.”

EHOLOLO 11:15

Nomweengeli omutiheyali okwa shika enghuma, ndele meulu omwa udika eendaka dinene, da tya: “Ouhamba wounyuni ou wa ninga wOmwene wetu naKristus waye, ndele ta ka pangela alushe fiyo alushe.”

EHOLOLO 17:1

Ndele umwe womovaengeli venya vaheyali ava va li ve noiyaxa iheyali e uya ndele ta popifa nge, ta ti: “Ila oku, ndi ku ulikile etokolo lombwada inene, ei ya kala omutumba kombada yomeva mahapu,

EHOLOLO 17:15

Ndele ye okwa tya kwaame: “Omeva enya we a mona, ombwada ya kala omutumba kuwo, oo oiwana neengudu dovanhu, nomaludi nomalaka.

EHOLOLO 19:16

Ndele moshikutu shaye ponho yaye opa shangwa edina laye: “Ohamba yeehamba nOmwene wo vene.”